Ինչպե՞ս Քոչարյան Ռոբերտը կալանավորված չԷ, բայց այդ կնոջն ազատազրկեցին․ վեթինգ անեիք՝ կասկածելի չէին լինի իրավապահների որոշումները․ Լևոն Բարսեղյան․ ՏԵՍԱՆՅՈՒԹ

Նիկոլ Փաշինյանը չի բացառում ՀԱՊԿ-ից Հայաստանի դուրս գալու սցենարը․ «Եթե ՀՀ-ն դե յուրե որոշում կայացնի ՀԱՊԿ-ից դուրս գալու վերաբերյալ, դա տեղի կունենա այն բանի արդյունքում, երբ ՀՀ-ն արձանագրի, որ ՀԱՊԿ-ն դուրս է եկել ՀՀ-ից։ Եթե դուրս է եկել, ի՞նչ անենք մենք, ուրիշ բան մեզ մնո՞ւմ է անելու։ Եթե մեր արձանագրումը լինի, որ ՀԱՊԿ-ն դուրս է եկել ՀՀ-ից, ՀԱՊԿ անդամի դե յուրե և ոչինչ չտվող կարգավիճակը ընդամենը մեզ խանգարելու է այլ երկրների հետ անվտանգային օրակարգ քննարկել։ Ձեզ թվում է՝ այլ երկրներից զենք ձեռք բերելու հնարավորություն չի՞ եղել։ Իհարկե՝ եղել է, բայց այդ հնարավորությունների փակ լինելը բացատրվել է ՀՀ-ի՝ ՀԱՊԿ անդամ լինելով։ Ասվել է՝ դուք ՀԱՊԿ անդամ եք, ի՞նչ քննարկենք Ձեզ հետ»։

Գյումրիի «Ասպարեզ» ակումբի խորհրդի նախագահ Լևոն Բարսեղյանին հարց ուղղեցինք՝ իր գնահատմամբ՝ բավարար հիմքեր չկա՞ն, որ ՀՀ-ն արդեն իսկ ՀԱՊԿ-ից դուրս եկած լիներ, հատկապես, երբ Փաշինյանն ինքը այսօր խոստովանեց, որ ՀԱՊԿ-ում Հայաստանի անդամակցությունը սահմանափակում է ՀՀ-ին այլ երկրներից զենք ստանալու հարցում։

«Փաշինյանը ՀԱՊԿ-ին իր տեղն է ցույց տալիս՝ ասելով՝ ՀՀ-ից նա դուրս է եկել։ Տեսնում ենք, որ կոշտանում է իշխանության խոսույթը, վասալական դիրքից դուրս գալու նշաններ են ցույց տալիս, բայց չլինի՞՝ սա հերթական պոռոտախոսությունն է։ Ես կարծում եմ, որ Փաշինյանի խոսքը ՀԱՊԿ-ի մասին սպառնալիք կամ շանտաժ է, կարծես դիմում է ՀԱՊԿ-ին՝ անելո՞ւ ես մի բան, թե՞ չէ։ Եթե չէ, դու մեզ պետք չես։ Արևմուտքը ՀՀ-ին լուրջ սպառազինություն չի տա, քանի դեռ ՀԱՊԿ անդամ է, քանի որ գիտեն՝ ինչ ստացավ՝ Կրեմլն իմանալու է։ Փաշինյանը չգիտի՞, թե ՀՀ անվտանգային համակարգն ինչ հաղորդակցություն ունի Կրեմլի հետ»,- ասաց Լևոն Բարսեղյանը։

Հարցազրույցն ամբողջությամբ՝ տեսանյութում։

Ռոբերտ Անանյան