05.06.2026 | 20:30
Երևանում մեկնարկել է Չեխիայի վիզաների դիմումների ընդունման կենտրոնի աշխատանքը
ԵՄ-ն 116 մլն եվրո կտրամադրի «Դիմակայուն Սյունիք թիմ Եվրոպա» -ի հնգամյա ծրագրին. Անդրեա Վիկտորին. ՏԵՍԱՆՅՈՒԹ
Տնտեսություն
18.05.2023 | 17:59
««Դիմակայուն Սյունիք թիմ Եվրոպա» նախաձեռնության իրականացման հնգամյա բյուջեն տարվա սկզբի համեմատ կրկնապատկվել է և կազմում է 116 մլն եվրո». այս մասին այսօր Կապանում անցկացվող «Թիմ Եվրոպա» նախաձեռնության շրջանակներում հայտարարեց ՀՀ-ում ԵՄ դեսպան Անդրեա Վիկտորինը։ Դեսպանը վստահեցնում է, որ հետագայում այլ երկրներ ևս կմիանան նախաձեռնությանը, որի հիմնական նպատակն է նպաստել Սյունիքի մարզի կայուն սոցիալ-տնտեսական և ինստիտուցիոնալ զարգացմանը՝ տեղական զարգացման առաջնահերթություններին համապատասխան:
Հակիրճ ելույթներով հանդես եկան նաև Հայաստանում Շվեդիայի դեսպանատան խորհրդական, զարգացման համագործակցության հարցերով ղեկավար, փոխդեսպան Կլաս Վալդենստրյոմը և Սյունիքի մարզպետ Ռոբերտ Ղուկասյանը։
«Դիմակայուն Սյունիք թիմ Եվրոպա» նախաձեռնությունը Եվրոպական միության, Եվրոպական ներդրումային բանկի և ԵՄ անդամ երկրների՝ Ավստրիայի, Չեխիայի, Էստոնիայի, Ֆինլանդիայի, Ֆրանսիայի, Գերմանիայի, Լիտվայի, Նիդերլանդների, Լեհաստանի և Շվեդիայի համատեղ նախաձեռնությունն է, որին միանում է նաև Շվեյցարիան որպես արտաքին գործընկեր։
Ամեն տարի մայիսի 9-ին անցկացվող Եվրոպայի օրը խորհրդանշում է խաղաղությունն ու միասնությունը Եվրոպայում: Ամսաթիվը կապված է պատմական «Շումանի հռչակագրի» ընդունման հետ, որի նպատակը Եվրոպայի ազգերի միջև պատերազմի գաղափարի բացառումն էր:
Անի Թամրազյան
