18.09.2026 | 16:51
ՔՊ ներկայացուցիչները երեք եվրոպական երկրների դեսպանների հետ քննարկել են ՀՀ-ԵՄ հարաբերություններն ու վիզաների ազատականացումը
«Չեմ կարող իմ տարակուսանքը չարտահայել դատավորի որոշման վերաբերյալ». Ն. Զոհրաբյանը՝ «Սասնա ծռերի» անդամի համար երաշխավորագիրը անտեսելու մասին
21.06.2018 | 09:28
ԱԺ « Ծառուկյան» խմբակցության պատգամավոր Նաիրա Զոհրաբյանը ֆեյսբուքյան իր էջում գրառում է կատարել՝ կապված «Սասնա ծռեր» խմբի անդամ Գագիկ Եղիազարյանի խափանման միջոցը փոխելու համար ներկայացված երաշխավորագրի:
«Երեկ ես, իմ գործընկեր` ԱԺ պատգամավոր Սերգեյ Բագրատյանի հետ միասին, անձնական երաշխավորություն էինք ներկայացրել «Սասնա ծռեր» խմբի անդամ Գագիկ Եղիազարյանի խափանման միջոցը փոխելու համար: Նաև անձամբ ներկայացել էինք դատարան` համապատասխան ընթացակարգով հաստատելու մեր երաշխավորությունը:
Ժամեր անց, սակայն, զարմանքով տեղեկացանք, որ մեր երաշխավորությունը հաշվի չի առնվել դատավոր Մեսրոպ Մակյանի կողմից և փաստաբանի միջնորդությունը Գագիկ Եղիազարյանի խափանման միջոցը փոփոխելու մասին մերժվել է:
Պետք է նշենք, որ բարձր ենք գանահատում ՀՀ գլխավոր դատախազության սկզբունքային դիրքորոշումը այս, ինչպես և նախորդ նմանատիպ միջնորդությունների կապակցությամբ:
Սակայն չեմ կարող իմ տարակուսանքը չարտահայել դատավոր Մեսրոպ Մակյանի որոշման վերաբերյալ: Մեզ համար զարմանալի է, թե ինչպես կարող է նույն դատավորը նույն գործով երկու այլ մեղադրյալների հարցում արտահայտել այլ դիրքորոշում և խափանման միջոց փոփոխել պատգամավորների երաշխավորությունը հաշվի առնելով, իսկ մեկ այլ մեղադրյալի դեպքում, երբ առկա չէ այդ միջնորդությունը չբավարերելու որևէ էական տարբերակիչ հանգամանք, արտահայտել տրամագծորեն հակառակ դիրքորոշում: Սա դիտարկում ենք որպես անհարգալից վերաբերմունք արդարադատության հանդեպ»,- գրել է նա:
