22.11.2024 | 10:55
ՆԱՏՕ-ն և ԱՄՆ-ն հայտարարել են Կիևին իրենց աջակցությունը շարունակելու մտադրության մասին
Ադրբեջանը նորից պատերազմ էր սկսելու, եթե ԵՄ դիտորդները չգային․ հարձակման ռիսկերը կտրուկ իջել են․ Արմեն Հովհաննիսյան. ՏԵՍԱՆՅՈՒԹ
Քաղաքականություն
20.02.2023 | 21:32
Մոտենում է Ուկրաինայի դեմ ՌԴ-ի սանձազերծած պատերազմի մեկ տարին։ Եթե մեկ տարի առաջ՝ պատերազմի մեկնարկի օրերին, ԱՄՆ-ն և արևմտյան պետություններ տեղափոխում էին իրենց դեսպանատները Կիևից, եթե Զելենսկիին տարհանվելու առաջարկ էին անում, ապա այսօր վիճակն այնպիսին է, որ Կիև է այցելել ԱՄՆ նախագահ Ջո Բայդենը, քայլել Կիևի փողոցներով։
«Միացյալ Նահանգներն Ատլանտյանից մինչև Խաղաղ օվկիանոսներ գտնվող պետությունների կոալիցիա է ձևավորել, որպեսզի պաշտպանի Ուկրաինան ռազմական, տնտեսական և մարդասիրական օգնության միջոցով։ Եվ այդ աջակցության ցուցաբերումը շարունակվելու է»,- ասել է Բայդենը։
Factor TV-ին տված հարցազրույցում քաղաքական վերլուծաբան Արմեն Հովհաննիսյանը պնդում է, որ Ջո Բայդենի այս քայլը պետք է ոգևորիչ լինի Ուկրաինայի համար։ Սա քայլ է, որ մինչ պաշտոնին հրաժեշտ տալն անում էր նաև Մեծ Բրիտանիայի վարչապետ Բորիս Ջոնսոնը․ «Արևմուտքն ինչքան էլ բազմազան է, ԱՄՆ-ն է առաջատար պետությունը։ Փաստացի՝ Ջո Բայդենն Ուկրաինա է այցելում ԱՄՆ նախագահների տոնի օրը, գալիս է Կիև՝ պատերազմի մեկ տարվա նախօրեին, նույնիսկ դուրս է գալիս քաղաքի փողոցներ, քայլում։ Դա աջակցության ամենաբարձր աստիճանն է»։
Սա բարոյակա՞ն աջակցություն է Ուկրաինային։ Ըստ Արմեն Հովհաննիսյանի՝ ԱՄՆ-ի պարագայում բարոյական աջակցությունը կարող է համարժեք համարվել օգնության ցանկացած այլ ձևի։
«Նյութական և ռազմական աջակցության որևէ պակաս Ուկրաինային չկա։ Բարոյական աջակցությունն էլ կարևոր է, այս այցը ՌԴ-ի համար ազդանշան կարող է լինել, որ Արևմուտքը չի ստիպում Ուկրաինային համակերպվել իր տարածքների զավթման հետ և անձնատուր լինել։ Չկա այդպիսի ճնշում, հակառակը՝ խրախուսում են Ուկրաինայի առաջխաղացումը»,- ասաց վերլուծաբանը։
Հարցազրույցն ամբողջությամբ՝ տեսանյութում։
Ռոբերտ Անանյան
