ՀՀ տնտեսության զարգացման համար գյուղատնտեսական մասնագիտությունների բարելավումն ունի ռազմավարական կարևորություն․ փոխնախարար

Լուրեր

19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
Բոլորը

Ս․թ․ փետրվարի 7-ին «Հայաստանում գյուղատնտեսության ոլորտում ՄԿՈւ արդիականացում» (ՄԱՎԵՏԱ)* ծրագրի շրջանակներում «Ռազմավարական զարգացման գործակալություն» (ՌԶԳ) ՀԿ-ի կողմից կազմակերպվել է մասնագիտական կրթության և ուսուցման (ՄԿՈւ) ոլորտում գործող դոնոր կազմակերպությունների երկխոսության/քննարկումների հարթակի տարեկան հանդիպումը․ տեղեկացնում են Ռազմավարական զարգացման գործակալությունից։

Երկխոսության/քննարկումների հարթակը ստեղծվել է 2017թ. «Մասնագիտական կրթության և ուսուցման (ՄԿՈւ) զարգացում Սյունիքի մարզում» ծրագրի շրջանակներում սերտորեն համագործակցելով ՀՀ կրթության, գիտության, մշակույթի և սպորտի նախարարության հետ:

Հարթակը միավորում է ՄԿՈւ ոլորտում գործող դոնոր կազմակերպությունների և այն շահագրգիռ կառույցների, որոնք նպաստում են Հայաստանում ՄԿՈւ համակարգի զարգացմանը՝ նպատակ ունենալով արդյունավետ համակարգել ոլորտում գործող նախաձեռնությունները, կիսվել իրականացված ծրագրերի փորձով ու ձեռքբերումներով, ինչպես նաև քննարկել պլանավորվող գործողությունները:

Համաժողովին մասնակցեցին ՀՀ կրթության, գիտության, մշակույթի և սպորտի նախարարության (ԿԳՄՍՆ), ՀՀ Էկոնոմիկայի նախարարության, ՀՀ աշխատանքի և սոցիալական հարցերի նախարարության, Հայաստանում Շվեյցարիայի զարգացման և համագործակցության, ՄԱԶԾ և այլ տեղական ու միջազգային կառույցների ներկայացուցիչներ:

Համաժողովին ողջույնի խոսքով հանդես եկան ՀՀ ԿԳՄՍ նախարարի տեղակալ՝ տիկին Արաքսյա Սվաջյանը, Հարավային Կովկասում Շվեյցարիայի համագործակցության տարածաշրջանային տնօրենի տեղակալ` պարոն Վերներ Թութը և HEKS/EPER Հարավային Կովկասի տարածաշրջանային տնօրեն՝ պարոն Բեկա Ուռուշաձեն:

ՀՀ ԿԳՄՍ նախարարի տեղակալ՝ Արաքսյա Սվաջյանն ողջույնի խոսքում շնորհակալություն հայտնեց միջազգային և տեղական գործընկերներին՝ շեշտելով, որ ՀՀ տնտեսության զարգացման համար գյուղատնտեսական մասնագիտությունների բարելավումն ունի ռազմավարական կարևորություն:

«Պետք է փորձենք, մասնավորի հետ համագործակցելով, ՄԿՈւ համակարգը էլ ավելի լավը դարձնել, և այս ճանապարհին կարևոր են օրենսդրական բարեփոխումներն ու դասավանդողների վերապատրաստումը»,-ասաց նա:

ՀՀ ԿԳՄՍ նախարարի տեղակալի խոսքին հաջորդեց Հարավային Կովկասում Շվեյցարիայի համագործակցության տարածաշրջանային տնօրենի տեղակալ` Վերներ Թութը, ով ներկայացրեց Շվեյցարիայի փորձն ու կարևորեց Հայաստանի ՄԿՈւ համակարգում մասնավորի հատվածի և պետական կառույցների սերտ համագործակցությունը։

Համաժողովի ընթացքում ներկայացվեց «Հայաստանում գյուղատնտեսության ոլորտում ՄԿՈւ արդիականացում» (MAVETA) ծրագիրը, Հայաստանում աշխատուժի զարգացման ծրագիրը, ՄԿՈւ ոլորտում իրականացվող ծրագրերն ու քննարկվեցին համագործակցության հնարավորությունները։

Խմբային քննարկումների միջոցով քննարկվեցին այնպիսի հարցեր, ինչպիսիք են՝ ՄԿՈւ ոլորտում մասնավոր հատվածի ներգրավումը, դասավանդողների վերապատրաստումների կարիքն ու մոտիվացիայի ստեղծման համար անհրաժեշտ քայլերը։

*ՄԱՎԵՏԱ ծրագիրը ֆինանսավորվում է միջազգային և տեղական կազմակերպությունների լայն կոալիցիայի կողմից՝ Շվեյցարիայի զարգացման և համագործակցության գործակալության (SDC) գլխավորությամբ, ներառյալ Ավստրիական զարգացման գործակալությունը (ADA), Գերմանիայի տնտեսական համագործակցության և զարգացման նախարարությունը (BMZ), Հայաստանի կառավարությունը, Շվեյցարիայի եկեղեցու օգնություն (HEKS/EPER) ՀԿ-ն, Իզմիրլյան հիմնադրամը, Ռազմավարական զարգացման գործակալություն (ՌԶԳ) ՀԿ-ն և «Վանանդ Ագրո» ՓԲԸ-ն: Ծրագիրն իրականացնող գործընկերներն են Գերմանական զարգացման գործակալությունը (GIZ) և Շվեյցարիայի եկեղեցու օգնություն (HEKS/EPER) ՀԿ-ն՝ ՌԶԳ-ի և Բեռնի Կիրառական գիտությունների համալսարանի (HAFL) գյուղատնտեսական, անտառային և պարենային գիտությունների դպրոցի ներգրավմամբ: