30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ամեն ինչ չի, որ պիտի մատով ցույց տրվի. Ավինյանը՝ ԵԱՍՄ հիմնարկի աշխատողների կողմից տերև այրելու մասին․ ՏԵՍԱՆՅՈՒԹ
Տնտեսություն
08.12.2025 | 11:06
«Եթե մենք այստեղ ինչ-որ մի բան ենք խոսում, դա նշանակում է, որ Երևանի քաղաքապետարանի ենթակայության բոլոր կառույցները, բոլոր աշխատակիցները պետք է տեղեկացված լինեն՝ ինչի մասին ենք խոսել այստեղ»,- Երևանի քաղաքապետարանի գործակարգավարական խորհրդկացությանն ասաց քաղաքապետ Տիգրան Ավինյանը։
«Եթե մենք խոսել ենք օդի որակի մասին և ասել ենք, որ տերև չպիտի վառվի, չի կարող հետո պարզվել, որ քաղաքապետարանի աշխատակիցներն ինչ-որ մի տեղ տերև են վառում։ Եթե ես եկել եմ որևէ վարչական շրջան, ասել եմ՝ էստեղ խնդիր է եղել, վարչական շրջանի ղեկավարը պետք է ֆիքսի՝ ինչ ծավալի խնդիր է, ինքն ինչ գործողություն պետք է անի, ում պիտի նկատողություն տա, ում պիտի աշխատանքից ազատի։ Որովհետև, այնուամենայնիվ, վարչական շրջանի ղեկավարի պատասխանատվությունն է նույնիսկ դա հասկանալը։ Ամեն ինչ չի, որ մատով պիտի ցույց տրվի։ Հետագայում արդեն ես պիտի մտածեմ՝ ինչ անել այդ վարչական շրջանում կադրային առումով։ Եվ սա վերաբերում է բոլորին»,- ընգծեց քաղաքապետը։
Հիշեցնենք, որ օրեր առաջ տեսանյութ տարածվեց, որում Երևանի աղբահանության և սանիտարական մաքրման ծառայության աշխատակիցները աղբ էին այրում:
Հիմնարկի տնօրեն Սաշա Կատվալյանի խոսքով՝ աշխատակիցները ստացել են նկատողություն, տարածքի պատասխանատուն՝ խիստ նկատողություն․ նրանք ենթարկվել են կարգապահական տույժերի։
Իսկ ՀՀ բնապահպանության և ընդերքի տեսչական մարմնում վարչական վարույթ է հարուցվել և ԵԱՍՄ հիմնարկի պատասխանատուն տուգանվել է 200․000 ՀՀ դրամով։
Տիգրան Ավինյանն այդ դեպքից առաջ նշել էր, որ օդի որակի վրա ազդում է քաղաքացիների կողմից իրենց բակերում տերևներն ու աղբը այրելը։
«Սիրելի երևանցիներ, տերևների և աղբի վերամշակման այդ «փոքրիկ գործարաններն» առաջին հերթին թունավորում են ձեզ, թունավորում են ձեր շրջակա միջավայրը, թունավորում են երեխաներին, որոնք ապրում և խաղում են այդ բակում։ Մենք անընդհատ խոսում ենք շինարարական փոշու մասին, բայց ես ձեզ վստահեցնում եմ, որ այդ մեկ շենքի կառուցումը և նրա ստեղծած ամբողջ փոշին ընդամենը մեկ բակի մի հատ տերևների լավ կույտի այրում է, ինչը շատ ավելի թունավոր է և վտանգավոր»,- հայտարարել էր Ավինյանը։
Մանրամասները՝ տեսանյութում։
Արփի Հակոբյան
