30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ-ի հետ բանակցությունները դեռևս չեն հանգեցրել Դոնբասի վերաբերյալ համաձայնության. Զելենսկի
Քաղաքականություն
08.12.2025 | 18:29
Ուկրաինայի նախագահ Վլադիմիր Զելենսկին հայտարարել է, որ ԱՄՆ խաղաղության նախաձեռնությունը քննարկող բանակցողները դեռևս համաձայնության չեն գալիս տարածքային հարցի շուրջ, հաղորդում է Bloomberg-ը, փոխանցում է BBC-ի ռուսական ծառայությունը։
Այս հայտարարությունը հնչում է այն բանից հետո, երբ ԱՄՆ նախագահ Դոնալդ Թրամփը հիասթափություն էր հայտնել Կիևի դիրքորոշումից Ուկրաինայում պատերազմը դադարեցնելու ծրագրի վերաբերյալ։
Զելենսկին հարցազրույցում ասել է, որ ԱՄՆ պլանի տարրերը պահանջում են հետագա քննարկում մի շարք «զգայուն հարցերի», այդ թվում՝ պատերազմից տուժած երկրի անվտանգության երաշխիքների (Կիևը կցանկանար առանձին պայմանագիր կնքել իր դաշնակիցների հետ այս հարցի վերաբերյալ) և արևելյան շրջանների նկատմամբ վերահսկողության վերաբերյալ։ Նրա խոսքով՝ բանակցությունները դեռևս չեն հանգեցրել Դոնբասի՝ Դոնեցկի և Լուգանսկի շրջանների վերաբերյալ համաձայնության։
ԱՄՆ նախագահ Դոնալդ Թրամփն ավելի վաղ նշել էր, թե Զելենսկին չի կարդացել պատերազմը դադարեցնելու վերաբերյալ ամերիկյան ծրագիրը։
«Մենք խոսել ենք նախագահ Պուտինի հետ, խոսել ենք ուկրաինացի առաջնորդների, այդ թվում՝ նախագահ Զելենսկիի հետ, և պետք է ասեմ, որ մի փոքր հիասթափված եմ, որ նախագահ Զելենսկին դեռ չի կարդացել առաջարկը։ Դա ընդամենը մի քանի ժամ առաջ էր»,- ասել էր ԱՄՆ նախագահը։
Թարգմանությունը՝ Էմմա Չոբանյանի
