30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ականի պայթյունից հետո պայմանագրային զինծառայողն ազատվել է աշխատանքից
Հասարակություն
08.12.2025 | 18:39
Factor.am-ի տեղեկություններով` Վարդենիս քաղաքում ականի պայթյունից հետո պայմանագրային զինծառայողն ազատվել է աշխատանքից։
Պաշտպանության նախարարությունից հաստատեցին մեր տեղեկությունը՝ ընդգծելով, որ զինծառայողը սեփական զեկուցագրի համաձայն է դուրս եկել աշխատանքից։
Նշենք, որ երկու պայմանագրայիններ ձկնորսության էին գնացել, որի ժամանակ էլ մեր կողմից վերահսկվող, բայց դեռևս չականազերծված տարածքում կանգնել էին ականի վրա և պայթյունից վիրավորվել։ Այս մասին գրել էր «MakaryanNews» տելեգրամյան ալիքը։
Պաշտպանական գերատեսչությունից հայտնել էին, որ զինծառայողները վնասվածքներ ստանալիս ծառայության մեջ չեն եղել։
Նշենք, որ զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելու հատկանիշներով քրեական վարույթ է նախաձեռնվել:
Արփի Հակոբյան
