10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Վարդենիսում ականի պայթյունի դեպքով քրեական վարույթ է նախաձեռնվել
Հասարակություն
28.11.2025 | 19:45
Վարդենիսում ականի պայթյունի դեպքով քրեական վարույթ է նախաձեռնվել: Այս մասին Factor.am-ի հարցին ի պատասխան հայտնեցին Քննչական կոմիտեից:
Իրավապահ կառույցի խոսնակը նշեց, որ վարույթը նախաձեռնվել է զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելու հատկանիշներով:
Հիշեցնենք, որ «MakaryanNews» տելեգրամյան ալիքը գրել էր, որ Գեղարքունիքի մարզի Վարդենիս քաղաքում երկու պայմանագրային զինծառայող է վիրավորվել` ականի պայթյունի հետևանքով: Պաշտպանության նախարարության մամուլի քարտուղար Արամ Թորոսյանը Factor.am-ի հետ զրույցում հաստատել էր տեղեկությունը` հայտնելով, որ զինծառայողները ծառայողական պարտականությունները կատարելիս չեն վնասվածքներ ստացել։
«Մնացյալ հանգամանքների ճշտման ուղղությամբ պատկան մարմինները համապատասխան ուսումնասիրություններ են կատարում»,- նշել էր Թորոսյանը:
Պաշտպանական գերատեսչության մամուլի քարտուղարի խոսքով` վիրավորված զինծառայողների կյանքին վտանգ չի սպառնում:
Արփի Հակոբյան
