15.05.2024 | 23:54
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
ՌԴ-ն տապալել է Լաչինի հարցով ՄԱԿ-ի ԱԽ հայտարարության ընդունումը․ 2023-ին նպաստների չափը կմեծանա․ Լուրեր
30.12.2022 | 19:15
- Factor.am-ի դիվանագիտական աղբյուրները հայտնում են, որ Ռուսաստանի դիրքորոշման պատճառով տապալվել է Լաչինի միջանցքի շուրջ դեկտեմբերի 20-ին ՄԱԿ ԱԽ արտահերթ նիստի արդյունքում ՄԱԿ ԱԽ նախագահողի հայտարարության ընդունումը: Factor.am-ի տեղեկություններով` հանդիպմանը հաջորդած օրերի ընթացքում քննարկվել և բանակցվել է Ֆրանսիայի կողմից առաջարկված ՄԱԿ ԱԽ նախագահողի հայտարարությունը Լաչինի միջանցքի վերաբերյալ: Երկար բանակցությունների արդյունքում հաջողվել է ստանալ ՄԱԿ ԱԽ անդամների կողմից փոխահամաձայնեցված հայտարարության տեքստ: Ռուսաստանը, սակայն, ըստ էության, տապալել է հայտարարության ընդունումը՝ վերջին պահին առաջարկելով մի շարք նոր փոփոխություններ՝ հստակ հաշվարկով, որ մյուս անդամների կողմից դրանք չեն ընդունվի, ինչը և տեղի է ունեցել:
- Արցախի ՆԳՆ-ից հայտնել են, որ տարվա ընթացքում սակրավորական աշխատանքների արդյունքում հայտնաբերված փոքր և խոշոր տրամաչափի զենք- զինամթերքի ընդհանուր թիվը կազմել է 55393: Մաքրվել է շուրջ 117 հազար 800 քառ.մ տարածք:
- 2023 թվականի հունվարի 1-ից ընտանեկան և սոցիալական նպաստների, եռամսյակային հրատապ օգնության ամսական չափերը կդառնան 20,000 դրամ (18,000 դրամի փոխարեն), իսկ անապահովության միավորը կպահպանվի 2022 թվականի համար սահմանված չափով՝ 28.00․ տեղեկացնում են ՀՀ աշխատանքի ւ սոցիալական հարցերի նախարարությունը։ 2023 թվականի հոկտեմբերի 1-ից նպաստների չափերը նախատեսվում է վերանայել՝ պայմանավորված ընտանիքի սոցիալական (անապահովության) գնահատման նոր համակարգի գործարկմամբ։
Այս ժամի լուրերը՝ տեսանյութում։
