26.06.2026 | 08:14
ԱԱ-2026. ԱՄՆ-ը պարտվեց գոլառատ խաղում, Ավստրալիան փլեյ-օֆֆում է. ՏԵՍԱՆՅՈՒԹ
Աշխատավարձն Աղազարյանի եկամտի միակ աղբյուրն է․ ինչ է հայտարարագրել պատգամավորը
Քաղաքականություն
15.05.2024 | 21:17
Ազգային ժողովի պատգամավոր, «Քաղաքացիական պայմանագիր» կուսակցության անդամ Հովիկ Աղազարյանը 2023 թ-ին ստացել է 10․7 մլն դրամ աշխատավարձ Ազգային ժողովից: Կոռուպցիայի կանխարգելման հանձնաժողով պատգամավորի ներկայացրած 2023 թ-ի գույքի և եկամուտների հայտարարագրի համաձայն՝ աշխատավարձը պատգամավորի եկամտի միակ աղբյուրն է։
Հովիկ Աղազարյանը բանկային հաշիվներ չի հայտարարագրել, իսկ կանխիկ ունի 3 մլն դրամ։ Նա 4 վարկ է վերցրել, որոնց մայր գումարի մնացորդն անցած տարեվերջին կազմել է 25․7 մլն դրամ, որից 20․7 մլն դրամը հիփոթեքային վարկ է։ Պատգամավորը նաև 9․4 մլն դրամ փոխառություն է վերցրել։
Աղազարյանը բնակարանը գնել է 2021 թ-ին Երևանում, նաև հողամաս ունի Արարատի Սուրենավան գյուղում։ Անցած տարի նա 90 օրից ավելի տիրապետել է CHEVROLET մակնիշի ավտոմեքենա։
Ուշագրավ է, որ պատգամավորի կինը՝ Մարգարիտ Աղազարյանը, անցած տարի աշխատել է Ազգային ժողովում, որտեղից ստացել է 1․5 մլն դրամ աշխատավարձ։ Նա աշխատավարձ է ստացել նաև Գյուղատնտեսական ծառայությունների կենտրոնից՝ 420 հազար դրամ, կանխիկ ունեցել է 1․2 մլն դրամ։
Գայանե Խաչատրյան
