27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Բժշկին սպառնացել են, հայհոյել․ միջադեպ՝ «Գյումրու Մոր և մանկան» ավստրիական հիվանդանոցում
31.10.2022 | 22:35
ՀՀ Քննչական կոմիտեի Շիրակի մարզային վարչությունում քննվում է «Գյումրու Մոր և մանկան» ավստրիական հիվանդանոցի վերակենդանացման բաժանմունքի վարիչ Աշիկ Դալիբալդյանի բողոքն առ այն, որ հոկտեմբերի 24-ին «ցնցումներով» հիվանդանոց տեղափոխված երեխայի հարազատները սպառնացել են իրեն, հայհոյել։
Հիվանդանոցի տնօրենի ժ/պ Հովհաննես Վարձելյանը հաստատեց այս տեղեկությունը՝ նշելով, որ թեման նախապատմություն ունի․ երեխան դեռ 8 տարի առաջ՝ 2014 թվականին է այս հիվանդանոցում վիրահատվել։ Նրա մոտ հետվիրահատական խնդիրներ են առաջացել, քրգործ է հարուցվել, այն դատարան է մտել, սակայն բժշկի մեղավորությունը չի հաստատվել։
Ըստ Հովհաննես Վարձելյանի, ինքն ուսումնասիրելով բոլոր փաստաթղթերը՝ թե՛ բժշկական և թե՛ իրավական, իր առանձնասենյակ է հրավիրել հարազատներին, խոսել այս մասին, նրանք հեռացել են, սակայն երկու ժամ անց՝ վերադարձել են հիվանդանոց ու միջադեպ հրահրել։
Արմիկ Մովսիսյան
