12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ԶՈՒ ԳՇ պետը՝ Ջերմուկի մոտ Ադրբեջանի գրաված տարածքի մասին․ ԱՆ-ն՝ քաղաքացիական 7 վիրավորի մասին. Լուրեր
Քաղաքականություն
16.09.2022 | 17:00
- Ադրբեջանի զինված ուժերը Ջերմուկի ուղղությամբ առաջ են եկել մխրճվել ՀՀ ինքնիշխան տարածք՝ 8.5 կմ լայնությամբ ճակատով, մինչև 7.5 կմ խորությամբ։ Այս մասին հայտնի է դարձել ՀՀ ԶՈՒ ԳՇ պետ Էդվարդ Ասրյանի խոսքերից։ Նա նշել է, որ ռազմական գործողություններից առաջ Ջերմուկ քաղաքից մինչև սահման հեռավորությունը եղել է 11-12 կմ, իսկ ներկայումս ադրբեջանական զինուժը 4.5 կմ հեռավորության վրա է։ Ըստ Ասրյանի՝ ադրբեջանական ուժերի որոշ խմբեր շրջափակման մեջ են։
- Շտաբի պետը նաև հայտնել է, որ Ներքին Հանդի և Շորժայի ուղղությամբ հակառակորդը մխրճվել է 1-1.5 կմ խորությամբ, Իշխանասարի ուղղությամբ 0.5 կմ խորությամբ են մխրճվել: Մյուս հատվածներում հաջողվել է հակառակորդին հետ շպրտել։ Ասրյանը նաև հաստատել է, որ Ադրբեջանը թիրախավորել էր նաև Գեղարքունիքի մարզի Մարտունի քաղաքը։
- Առողջապահության նախարարությունից հայտնել են, որ ադրբեջանական հրետակոծության հետևանքով վիրավորում ստացած 7 քաղաքացիական անձանցից 4-ը ժամը 12:00 դրությամբ շարունակում է ստացիոնար բուժումը տարբեր բժշկական կենտրոններում։ Նրանցից մեկի վիճակը ծայրահեղ ծանր է, երկուսինը` ծանր, մեկինը` միջին ծանրության:
Այս ժամի լուրերը՝ տեսանյութում։
