Հեկտարներով ցորենի և գարու արտեր են վնասվել ադրբեջանական կողմի գործողություններից. ԱԻ նախարար․ ՏԵՍԱՆՅՈՒԹ

Կառավարության նիստի ընթացքում ՀՀ ԱԻ նախարար Արմեն Փամբուխչյանը ներկայացրեց տեղեկություն Ադրբեջանի ագրեսիայի հետևանքով բնակավայրերի կրած վնասների մասին:

«Համատեղ տարածքային կառավարման և ենթակառուցվածքների նախարարության հետ, ինչպես նաև ԱԻՆ փրկարար ծառայության մարզային ճգնաժամային կառավարման կենտրոններ ստացված զանգերով ունենք բավականին մեծ ցանկ: Ադրբեջանի ագրեսիայի հետևանքով Վայոց ձորում վնասվել են մասնավորապես հյուրատներ, առողջարան, ջրամբար, ճոպանուղի, ՓԾ հրշեջ-փրկարարական ջոկատի շենքը, նաև բնակիչների գույք: Սյունիքի մարզում ունենք էլեկտրամատակարարման գծերի հետ կապված խնդիրներ: Ունենք նաև շտապօգնության մեքենաներ, որոնք ռմբակոծության հետևանքով վնասվել են կրկին Սյունիքի մարզում: Գեղարքունիքի մարզում հիմնականում վնասվել են մարդկանց տները, ինչպես նաև հեկտարներով ցորենի, գարու արտեր: Սոթքում 55-60 տուն է  վնասվել, անասնագոմեր, գազամատակարարման բազմաթիվ խողովակներ են վնասվել և մի շարք մասնավոր մեքենաներ»,-նշեց ԱԻ նախարարը։

Վարչապետ Նիկոլ Փաշինյանը կարևորեց, որ բոլոր հասցված վնասները մանրամասն գույքագրվեն․ «Կառավարությունը պետք է համապատասխան միջոցներ տրամադրի՝ լիարժեք վերականգնողական աշխատանքներ իրականացնելու համար»։

Հաջորդը՝ շատ կարևոր է իրավական առումով փաստագրել այս և այլ հանգամանքներ»,- ասաց Փաշինյանը:

Վարչապետի խոսքով՝ Ադրբեջանի ագրեսոր ուժերի կողմից արձանագրվել են ռազմական հանցագործությունների դեպքեր, և այդ դեպքերը մանրամասն պետք է փաստագրվեն և հետագայում դրանց ընթացք տրվի միջազգային իրավական գործընթացների շրջանակներում:

Մանրամասները՝ տեսանյութում։