12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Ադրբեջանը հարձակվում է Ջերմուկի ուղղությամբ․ԱՄՆ-ն,Կանադան թիրախավորում են Բաքվին, ՀԱՊԿ-ը՝ ոչ․ Լուրեր
Քաղաքականություն
14.09.2022 | 13:22
- Ջերմուկի ուղղությամբ Ադրբեջանի զինուժը կիրառել է հարվածային անօդաչու թռչող սարքեր։ Այս մասին առավոտյան ժամը 8-ի դրությամբ իրավիճակի մասին հայտնել է ՊՆ խոսնակ Արամ Թորոսյանը։ Նա նշել է, որ նախորդ օրվա սանձազերծած ագրեսիայի մնացած ուղղություններով չնայած էական միջադեպեր չեն արձանագրվել, սակայն այսօր, ժամը 08։00-ից սկսած, ադրբեջանական կողմը, կիրառելով հրետանային միջոցներ, ականանետեր և խոշոր տրամաչափի հրաձգային զինատեսակներ, վերսկսել է նախահարձակ գործողությունները, մասնավորապես՝ Ջերմուկի և Վերին Շորժայի ուղղություններով։ Խոսնակը նշել է, որ Ադրբեջանը շարունակում է թիրախավորել ինչպես ռազմական, այնպես էլ քաղաքացիական ենթակառուցվածքները։
- ԱՄՆ պետքարտուղարության խոսնակ Նեդ Փրայսը հայտարարել է, որ Միացյալ Նահանգները տեսել է բավական ապացույցներ այն փաստի, որ Ադրբեջանը հրետակոծում է Հայաստանի տարածքը և զգալի վնաս հասցնում Հայաստանի ենթակառուցվածքներին։ Նա հիշեցրել է, որ պետքարտուղար Էնթոնի Բլինքենը Ադրբեջանի ղեկավար Իլհամ Ալիևին կոչ էր արել անհապաղ դադարեցնել ռազմական գործողությունները։
- Կանադայի ԱԳ նախարար Մելանի Ջոլին հայտարարել է, որ Կանադան խիստ անհանգստացած է Հայաստանի և Ադրբեջանի միջև ռազմական գործողությունների սկսմամբ, այդ թվում՝ Հայաստանի ներսում բնակավայրերին և քաղաքացիական ենթակառուցվածքներին հարվածների առնչությամբ:
- Իսկ ՀԱՊԿ-ում տեղի ունեցած քննարկումների ընթացքում որոշվել է, որ ՀԱՊԿ-ը Հայաստան կուղարկի առաքելություն՝ գլխավոր քարտուղար Ստանիսլավ Զասի գլխավորությամբ՝ իրավիճակը գնահատելու համար։ Առաքելության կազմում կլինեն նաեւ ՀԱՊԿ միացյալ շտաբի ղեկավար, գեներալ-գնդապետ Անատոլի Սիդորովը, կազմակերպության անդամ երկրների ներկայացուցիչներ։
Այս ժամի լուրերը՝ տեսանյութում։
