07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Ըստ Մարուքյանի՝ Բաքուն նոր սադրանք է պատրաստում․ Ուկրաինայի պատերազմում բեկում կա՞․ Լուրեր
Քաղաքականություն
12.09.2022 | 13:35
- ՀՀ ՊՆ-ն կրկին հերքել է Ադրբեջանի ՊՆ ապատեղեկատվությունը և հայտնել է, որ սեպտեմբերի 11-ի երեկոյան ՀՀ ԶՈՒ ստորաբաժանումները հայ-ադրբեջանական սահմանագոտու արևելյան հատվածում տեղակայված ադրբեջանական դիրքերի ուղղությամբ կրակ չեն բացել: Իրադրությունը հայ-ադրբեջանական սահմանին հարաբերականորեն կայուն է:
- Արցախի ՊԲ-ից նույնպես հերքել են Ադրբեջանի ՊՆ հաղորդագրությունը և նշել են, որ ՊԲ ստորաբաժանումները սեպտեմբերի 11-ին չեն գնդակոծել Արցախի հյուսիս-արևմտյան ուղղությամբ տեղակայված ադրբեջանական դիրքերը։
- Վարչապետի հատուկ հանձնարարություններով դեսպան Էդմոն Մարուքյանն էլ հիշեցրել է, որ Ադրբեջանն արդեն մեկ շաբաթից ավելի շարունակում է նման ապատեղեկատվություն տարածել։ Նա նշել է, որ Ադրբեջանը դրանով նոր սադրանքի է պատրաստվում, և միջազգային հանրության հետաքրքրված դերակատարները պետք է ուշադրություն դարձնեն սրան։
- Ուկրաինայի պատերազմում նախաձեռնության փոփոխություն կա։ Ուկրաինայի զինված ուժերը վերջին օրերին անցել են հակահարձակման և Ռուսաստանից հետ են գրավել մի շարք բնակավայրեր Խարկովի շրջանում։ Կիևի իշխանությունները հայտարարել են մեկ օրում 20 ազատագրված բնակավայրի մասին։ Պատերազմի ուսումնասիրման ամերիկյան ինստիտուտի (ISW) նոր զեկույցի համաձայն՝ ուկրաինական զորքերը վերահսկողություն են հաստատել Խարկովի շրջանի գրեթե ողջ տարածքի նկատմամբ։ Նույն կենտրոնի պնդմամբ՝ պատերազմի ընթացքը բեկվել է, բայց այն կշարունակվի մինչև 2023 թվականը։
Այս ժամի լուրերը՝ տեսանյութում։
