06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ռիսկ է՝ տնկել այգի ու 5 տարի սպասել, թե ինչ կաճի․ ներդրողները կկարողանան հավաստագրված տնկանյութ ձեռք բերել․ նախագիծ․ ՏԵՍԱՆՅՈՒԹ
Տնտեսություն
12.09.2022 | 13:11
«Մենք ստեղծում ենք տնկանյութի հավաստագրման համար անհրաժեշտ օրենսդրական փաթեթ, որպեսզի ներդրողներին կարողանանք առաջարկել ավելի բարձր որակի տնկանյութեր»,- այս մասին ԱԺ-ում նշեց ՀՀ էկոնոմիկայի նախարար Վահան Քերոբյանը՝ ներկայացնելով «Սերմերի և տնկանյութի մասին» վարչական իրավախախտումերի վերաբերյալ ՀՀ օրենսգրքում և ՀՀ ստուգումների կազմակերպման և անցկացման մասին օրենքում և փոփոխություններ և լրացումեր կատարելու մասին նախագծերի փաթեթը։
«Վերջին տարիներին հանրապետության բնակլիմայական պայմաններում նոր, չփորձարկված հատապտղային բույսերի սորտերի ներմուծումը և դրանցով արտադրական այգիների հիմնումը, հավաստագրված տնկարանների կողմից ապրանքային բարձր որակով օժտված տնկանյութի արտադրության բացակայությունը, միաժամանակ ինտենսիվ այգիների և հատապտղանոցների շարունակական աճը մեծ անհրաժեշտություն և պահանջ են առաջացնում ՀՀ-ում տնկանյութի հավաստագրման մասին օրենսդրական առկայության համար։
Հավաստագրված տնկանյութը կարող է երաշխավորել ոչ միայն հատապտղային այգիների արտադրողականության բարձրացումը, այլ նաև հնարավորություններ կընձեռի տնկանյութի արտահանման համար։ Տնտեսվարողների՝ այգեհիմնման նպատակով արված ներդրումները կլինեն արդարացված։ Հանրապետությունում կիրականացվի գիտականորեն հիմնավորված տնկարանային արտադրություն»,- նշեց նախարարը՝ հավելելով, որ տնկանյութի հավաստագրման գործընթացի շնորհիվ տեղական տնկիների գինը 70 տոկոսով կարող է նվազել ներմուծածվի համեմատ, արդյունքում տնտեսական արդյունքը կարող է կազմել տասնյակ միլիոնավոր դոլարներ։
Մանրամասները՝ տեսանյութում։
