Տնտեսություն
12.09.2022 | 10:34Մեկնարկել է ԱԺ 8-րդ գումարման 4-րդ նստաշրջանը։ Օրակարգում ընդգրկված է 45 հարց։
Տնտեսվարողը կկարողանա խոտան ապրանքը հետ վերցնել և դրա համար շահութահարկ չի վճարի։ Այս մասին հայտարարեց ֆինանսների փոխնախարար Արման Պողոսյանը՝ ԱԺ-ում ներկայացնելով կառավարության հեղինակած՝ «Հարկային օրենսգիրքում փոփոխությունների մասին» նախագիծը։
Առևտրական գործունեությամբ զբաղվող տնտեսվարող սուբյեկտներին հնարավորություն կընձեռվի իրենց մոտ հայտնաբերված, ինչպես նաև արդեն գնորդի մոտ հայտնված խոտան համարվող արտադրանքը հետ ընդունել և այդ ծավալը նվազեցնել տվյալ տարվա համախառն եկամտի մեկ տոկոսի չափով: Առաջարկվում է հնարավորություն տալ 2022 թվականի հունվարի 1-ի դրությամբ առկա խոտան արտադրանքի պաշարից համախառն եկամտի 2 տոկոսի չափով նվազեցում կատարել շահութահարկով հարկման բազայից։
Փոխնախարարի հավաստմամբ՝ այս լուծումը մշակել են գործարարների առաջարկները հաշվի առնելով, և սա լավ ազդեցություն է ունենալու գործարար միջավայրի վրա։
«Օրենքի լուծման բացակայության պատճառով՝ տնտեսվարողների մոտ կուտակվել է որոշակի քանակի խոտանված արտադրանք։ Առաջարկում ենք այդ պաշարից համախառն եկամտի 2%-ի չափով հարկում անել շահութահարկի բազայից»,- նշեց Պողոսյանը։
Մանրամասները՝ տեսանյութում։
