07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Տիգրան Ավինյանը՝ Երևանի քաղաքապետի տեղակալ․ հարցը կքննարկվի ավագանու առաջիկա նիստում
Քաղաքականություն
11.09.2022 | 11:15
Երևանի ավագանին սեպտեմբերի 13-ի նիստում կքննարկի ՀՀ նախկին փոխվարչապետ, «Քաղաքացիական պայմանագիր» կուսակցության վարչության անդամ Տիգրան Ավինյանին քաղաքապետի տեղակալ նշանակելու հարցը։ Այս մասին տեղեկանում ենք քաղաքապետարանի պաշտոնական կայքում տեղադրված հայտարարությունից:
Հիշեցնենք, որ օրերս Երևանի ավագանու «Իմ քայլը», «Լույս» և «Բարգավաճ Հայաստան» խմբակցությունները քաղաքապետարանում առանձին հանդիպումներ էին ունեցել ՔՊ կուսակցության վարչության անդամ Տիգրան Ավինյանի հետ: Վերջինս իշխող ուժի քաղաքապետի թեկնածուն է։
Երևանն այս պահին չորս փոխքաղաքապետ ունի, Ավինյանի նշանակումից հետո ևս մեկ քաղաքապետի տեղակալ կավելանա:
Հավելենք, որ 2023-ին անցկացվելիք Երևանի քաղաքապետի ընտրություններում Տիգրան Ավինյանը կգլխավորի «Քաղաքացիական պայմանագիր» կուսակցության ցուցակը:
