07.05.2024 | 17:50
Չեխական ընկերությունն Ադրբեջանին ավելի քան 70 միավոր DITA ինքնագնաց հաուբիցներ կմատակարարի
Ոսկեպար գյուղի տարածքում ռուսական նոր հենակե՞տ է կառուցվում
04.08.2022 | 12:23
Factor TV-ի խցիկն արձանագրել է, որ Տավուշի մարզի Ոսկեպար գյուղում շինարարություն է ընթանում, որտեղ, դատելով տարածքում տեղադրված ռուսական դրոշի գույներով երկաթե տնակից, ռուսական ուժերի նոր հենակետ է լինելու։
Շինարարությունն ընթանում է արդեն մի քանի շաբաթ։ Factor TV-ին փորձեց տեղեկություն ստանալ Ոսկեպարի համայնքապետարանից, սակայն առայժմ կապ հաստատել չի հաջողվել։ Բաղանիսի վարչական ղեկավար Գևորգ Սակյանն էլ մեզ հետ զրույցում նշեց, որ փաստ է ռազմական հենակետի կառուցումը, սակայն ավելին չգիտի՝ ինքն էլ է փորձել տեղեկություններ ճշտել՝ չի կարողացել։ Ավելի վաղ տեղեկացրել էինք, որ ռուսական նոր հենակետ է կառուցվում նաև Տավուշի մարզի Բերդ համայնքում։
Սաթենիկ Հայրապետյան
