27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
2024-ի առաջին երեք ամիսներին Հայաստանի արտաքին առևտրաշրջանառությունը կազմել է շուրջ 9.1 մլրդ դոլար
Տնտեսություն
07.05.2024 | 17:31
Այս տարվա առաջին եռամսյակում Հայաստանի արտաքին առևտրաշրջանառությունը նախորդ տարվա նույն ժամանակահատվածի համեմատ աճել է 2.1 անգամ՝ կազմելով 9 մլրդ 169.7 մլն դոլար: «Արմենպրես»-ի հաղորդմամբ՝ համապատասխան տվյալները ներկայացրել է ՀՀ վիճակագրական կոմիտեն:
Փետրվարի համեմատ մարտին առևտրաշրջանառությունն աճել է 7.3 տոկոսով: 2024-ի մարտին, նախորդ տարվա նույն ամսվա համեմատ, ավելացել է 2.1 անգամ՝ կազմելով 3 մլրդ 568.2 մլն դոլար:
Տարվա առաջին եռամսյակում Հայաստանից արտահանումը 2.7 անգամ գերազանցել է նախորդ տարվա նույն ժամանակահատվածի ցուցանիշը՝ կազմելով 4 մլրդ 422.8 մլն դոլար: Այս տարվա մարտին, փետրվարի համեմատ, աճը կազմել է 13.1 տոկոս, իսկ 2023-ի մարտի համեմատ ավելացել է 3 անգամ՝ կազմելով 1 մլրդ 845.4 մլն դոլար:
2024-ի առաջին երեք ամիսներին ներկրումը 75.8 տոկոսով գերազանցել է նախորդ տարվա նույն ժամանակահատվածի ցուցանիշը՝ կազմելով 4 մլրդ 746.9 մլն դոլար: Մարտին, այս տարվա փետրվարի համեմատ, աճը կազմել է 1.8 տոկոս: Այս տարվա մարտին 56.2 տոկոսով գերազանցվել է անցյալ տարվա նույն ամսվա ցուցանիշը՝ կազմելով 1 մլրդ 722.8 մլն դոլար:
