19.05.2024 | 17:27
Արարատ Միրզոյանը մայիսի 20-ին աշխատանքային այցով կմեկնի Վիեննա
ՌԴ-ն դադարեցրել է Ղրիմի կամուրջն օգտագործել ռազմական բեռների համար
Քաղաքականություն
07.05.2024 | 17:00
Ռուսաստանն անցել է Ուկրաինայի արևելյան ցամաքային ուղիների օգտագործմանը՝ առաջնագիծ զինամթերք մատակարարելու համար, և դադարեցրել է Կերչի նեղուցով անցնող կամրջի օգտագործումը, գրում է The Independent-ը։
Արբանյակային լուսանկարները, որոնք վերլուծել և պարբերականին է տրամադրել ուկրաինական խոշորագույն մասնավոր հետախուզական «Մոլֆար» գործակալությունը, ցույց են տալիս, որ վերջին երեք ամսվա ընթացքում կամրջով ոչ մի ռազմական բեռնատար գնացք չի անցել։ Փետրվարի 29-ից նկատվել է միայն մեկ ռուսական բեռնատար գնացք, որը 55 վագոն վառելիք է տեղափոխել։
Նշվում է, որ Մոսկվան զգալիորեն կրճատել է Ղրիմի կամրջի օգտագործումը 2023 թվականի հունիսի 17-ի հարձակումից հետո։ Այնուհետև Ուկրաինայի ռազմածովային անօդաչու սարքերը կարողացել են վնասել հարթակի մի մասը՝ սպանելով երկու մարդու։
«Մորլֆար»-ի գործադիր տնօրեն Արտեմ Ստարոսեկի խոսքով՝ կամրջի օգտագործումը դադարեցնելու՝ ՌԴ իշխանությունների որոշումը համընկել է Ռոստովի մարզի Թամանով բեռնափոխադրումների կտրուկ աճի հետ։ Նրա խոսքով՝ Ռուսաստանը սկսել է նոր երկաթուղային գծեր անցկացնել օկուպացված տարածքներում, մասնավորապես, Մելիտոպոլում, Բերդյանսկում և Մարիուպոլում՝ Ղրիմը «մայրցամաքային» Ռուսաստանի հետ կապելու համար։
Նոր երկաթուղային գիծը, որն անցնում է Մելիտոպոլից մինչև Բերդյանսկ և Մարիուպոլ, այնուհետև Դոնի Ռոստով, հավանաբար, կօգտագործվի ռուսական զորքերի կողմից նոր հարձակման համար, որը, ըստ կանխատեսումների, կսկսվի այս ամառ, նշվում է հրապարակման մեջ։
