02.06.2026 | 23:49
Փաշինյանն ու Էրդողանը հեռախոսազրույց են ունեցել
ԱՄՆ-ը և Ֆիլիպինները զորավարժություններ են անցկացնում Թայվանի մոտ
Քաղաքականություն
07.05.2024 | 17:23
ԱՄՆ ծովային հետևակայիններն ու նրանց ֆիլիպինցի գործընկերները ռազմական վարժանքների ժամանակ դուրս են ցատկել Black Hawk ուղղաթիռներից Ֆիլիպինների հյուսիսային կղզիներում՝ Բաշի ռազմավարական նեղուցի մոտ, որն այս երկիրը բաժանում է Թայվանից, գրում է VOA-ն։
Այս ջրային ճանապարհը Վաշինգտոնի ու Պեկինի միջև ռազմական մրցակցության կենտրոններից մեկն է։
Բատանես նահանգի Իթբայաթ կղզում դաշնակիցների մարտական պատրաստվածության ցուցադրումն ամենամյա զորավարժությունների մասն է, որը սկսվել է ապրիլին: Զորավարժությունների անվանումը՝ Բալիկատան, տագալոգերեն նշանակում է «ուս ուսի»։
Զորավարժություններին մասնակցում է ավելի քան 16 հազար ամերիկացի և ֆիլիպինցի զինծառայող։ Դրանցում ներգրավված են նաև ավելի քան 250 ֆրանսիացի և ավստրալացի զինծառայողներ։ Վարժանքներին հետևում են մի քանի դաշնակից և գործընկեր երկրների, մասնավորապես՝ Ճապոնիայի և եվրոպական երկրների ներկայացուցիչներ։
Ապրիլի 22-ին մեկնարկած զորավարժությունները կավարտվեն այս շաբաթ։
