07.10.2026 | 14:23
Հարավային Կովկասում կայուն խաղաղության հեռանկարն ավելի իրատեսական է թվում, քան նախկինում․ Չավուշօղլու
Լեհաստանում կառավարության նիստից առաջ սրահում գաղտնալսող սարքեր են հայտնաբերվել
Քաղաքականություն
07.05.2024 | 16:13
Լեհաստանում լրտեսական ակտիվություն է նկատվում այն բանից հետո, ինչ երկիրը դարձել է Ուկրաինային մարդասիրական ու ռազմական օգնության միջազգային կենտրոն, գրում է BBC-ի ռուսական ծառայությունը։
Երեքշաբթի գաղտնալսող սարքավորումներ են հայտնաբերվել Կատովիցեում այն սրահում, որտեղ անցկացվելու էր նախարարների կաբինետի նիստը։ Երկրի վարչապետ Դոնալդ Տուսկն այս քաղաքում է՝ Եվրոպական տնտեսական կոնգրեսը բացելու համար։
«Պետական անվտանգության ծառայությունը Ներքին անվտանգության գործակալության հետ համատեղ հայտնաբերել և ապամոնտաժել է սարքեր, որոնք կարող էին օգտագործվել գաղտնալսման համար Կատովիցեում, որտեղ այսօր պետք է կայանա Նախարարների խորհրդի նիստը։ Ծառայությունները կատարում են հետագա քննչական գործողություններ»,- «X» սոցիալական ցանցում գրել է հատուկ ծառայություններ ղեկավարի մամուլի քարտուղար Յացեկ Դոբզինսկին։
