21.06.2026 | 17:14
Իրանը ներկայացրել է իր ակնկալիքները ԱՄՆ-ի հետ Շվեյացարիայում կայանալիք բանակցություններից
Չեխական ընկերությունն Ադրբեջանին ավելի քան 70 միավոր DITA ինքնագնաց հաուբիցներ կմատակարարի
Քաղաքականություն
07.05.2024 | 17:57
Excalibur Army ընկերությունը մտադիր է Ադրբեջանին ավելի քան 70 միավոր DITA 155 մմ տրամաչափի ինքնագնաց հաուբից մատակարարել։ Այս մասին հայտնում են ադրբեջանական լրատվամիջոցները։
Excalibur Army-ին չեխական ընկերություն է, CZECHOSLOVAK GROUP կորպորացիայի մաս է կազմում։
Նշվում է, որ այս տարվա մարտին Dennik N լրատվամիջոցը, վկայակոչելով ոչ պաշտոնական աղբյուրներին, հայտնել էր, որ Excalibur Army-ն բանակցություններ է վարում ադրբեջանցի գործընկերների հետ ավելի քան 70 DITA հաուբիցների վաճառքի շուրջ։ Նշվում է, որ խոսքը նոր մոդիֆիկացիայի DITA հաուբիցների վաճառքի մասին է, որը հայտնի է որպես Zuzana 2:
Նախկին Չեխոսլովակիայում մշակված 152 մմ տրամաչափի այս հաուբիցները հիմնված են Tatra բեռնատարի շասիի վրա և ունեն մինչև 39 կիլոմետր հեռահարություն:
Հաղորդվում է նաև, որ Գերմանիայի, Դանիայի և Նորվեգիայի կողմից հատկացված միջոցներով ընկերությունը պետք է դրանք արտադրեր Ուկրաինայի զինված ուժերի համար։ Սակայն ներկայում դանդաղել է «Zuzana 2» հաուբիցների մատակարարումն Ուկրաինայի զինված ուժերի համար, քանի որ աշխատում են դրանց 155 մմ մոդիֆիկացիայի վրա, որը կոչվելու է DITA։
