15.04.2026 | 17:38
Մոսկվան ու Բաքուն համաձայնության են եկել․ կողմերը հայտարարություն են տարածել AZAL-ի ինքնաթիռի վթարի հետ կապված
Հրաժարական չեմ տալու. Ջհանգիրյանի մասնակցությամբ աղմկահարույց ձայնագրությանը ներկա դատավոր․ ՏԵՍԱՆՅՈՒԹ
Հասարակություն
27.07.2022 | 16:14
ԲԴԽ նախկին նախագահներ Ռուբեն Վարդազարյանի և Գագիկ Ջհանգիրյանի հանդիպմանը ներկա գտնված խորհրդի անդամ Ստեփան Միքայելյանն այսօր Դատավորների ընդհանուր ժողովից հետո լրագրողների հետ զրույցում ընդգծեց, որ չի պատրաստվում հրաժարական տալ։
Հարցին, թե խնդիր չի՞ տեսնում այդ հանդիպման ընթացքում տեղի ունեցած զրույցի ձայնագրության հետ կապված, նա պատասխանեց. «Դե հիմա գործը հարուցվել է, դրա արդյունքներով ամեն ինչ կորոշվի: Դա քրեական գործ է և ես իրավունք չունեմ դրա մասին որևէ դիտողություն կամ կարծիք հայտնելու»:
Դիտարկմանը, որ ինքը որպես միջնորդ է հադես եկել, Միքայելյանն արձագանքեց. «Այդտեղ միջնորդության խնդիր չի եղել: Ես իմ երկու ընկերներին հրավիրել եմ, որ իրար հետ ընթրենք: Դա իմ ցանկությունն է եղել, որ իմ ընկերները, որ իրար հետ որոշակի լարվածություն ունեին, հարթվեր»:
Անդրադառնալով դիտարկմանը, որ քաղհասարակությունը պահանջում էր իր հրաժարականը՝ Միքայելյանը նշեց. «Ես նման անհրաժեշտություն չեմ տեսնում: Ես արդարադատությանը երբեք չեմ միջամտել»:
Մանրամասները՝ տեսանյութում:
