08.06.2026 | 06:48
1299 ընտրատեղամասերում քվեարկության նախնական արդյունքները․ ԿԸՀ
Նախկին փոխնախարար Վարդան Գևորգյանին և նրա կնոջը ծանուցագրեր են ուղարկվել ապօրինի ծագում ունեցող գույքի բնագանձման գործով
Հասարակություն
27.07.2022 | 15:46
ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունը ծանուցագրեր է ուղարկել Վարդան Գագիկի Գևորգյանին և նրա կնջը՝ Աննա Գագիկի Ամրոյանին օգոստոսի 1-ին դատախազություն ներկայանալու վերաբերյալ։ Այս մասին Factor.am-ը տեղեկանում է azdarar.am կայքից։
«ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Ձեզ պատկանող գույքի առնչությամբ իրականացվել է ուսումնասիրություն, որի արդյունքում կազմվել է ամփոփագիր: Դուք իրավունք ունեք սույն ծանուցագիրը ստանալու պահից մեկ ամսվա ընթացքում ներկայանալ ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն՝ ծանոթանալու գործի նյութերին, ներկայացնելու դիրքորոշում, ինչպես նաև հայտարարագիր: Միաժամանակ, հայտնում եմ, որ ներկայանալ անհրաժեշտ է օգոստոսի 01-ին՝ ժամը 11:00-ին, իսկ նշված օրը և ժամին ներկայանալու անհնարինության դեպքում հարկավոր է օրը և ժամը համաձայնեցնելու նպատակով նախապես զանգահարել»,- նշված է ծանուցման մեջ:
Հիշեցնենք, որ Վարդան Գևորգյանը 2016 թ-ի ապրիլի 4-ից զբաղեցնում էր ՀՀ էներգետիկայի և բնական պաշարների նախարարի տեղակալի պաշտոնը։ 2019-ի մայիսին կառավարության կառուցվածքի փոփոխությունների արդյունքում էներգետիկ ենթակառուցվածքների և բնական պաշարների նախարարությունն ընդգրկվեց ՏԿԵՆ-ի կազմում, և Գևորգյանը վարչապետի որոշմամբ ազատվեց նախարարի տեղակալի պաշտոնից։
