15.04.2026 | 18:01
Մեկ օրում Հորմուզի նեղուցով ավելի քան 20 նավ է անցել. ԱՄՆ-ը թույլ չի տվել Իրանի հետ կապված նավերի անցումը. WSJ
Կառավարության օրակարգից հանվել է հաշմանդամություն ունեցող զինծառայողների ավան կառուցելու համար հողհատկացման նախագիծը
Քաղաքականություն
14.07.2022 | 13:49
Երեկ հայտնել էինք, որ Կոտայքի մարզի Բալահովիտ գյուղում «Աջակցություն վիրավոր զինվորներին և զինվորական հաշմանդամներին» բարեգործական հասարակական կազմակերպությունը ցանկանում է 44-օրյա պատերազմի ընթացքում հաշմանդամություն ձեռք բերած զինծառայողների համար հարմարեցված տների կառուցման ծրագիր իրականացնել։
Այդ նպատակով ՀՀ կառավարությունը Բալահովիտ գյուղում 0.597 հեկտար մակերեսով հողամաս էր հատկացնելու կազմակերպությանը։ Ըստ ծրագրի՝ նախատեսվում էր 4 տարվա ընթացքում իրականացնել շուրջ 450 միլիոն դրամի ներդրում։
Այսօր, սակայն, այս նախագիծը հանվել է կառավարութնա նիստի օրակարգից։ Նշենք, որ երեկ երեկոյան, երբ այս նախագիշը շրջանառվեց կառավարության պաշտոնական կայքում, սոցիալական կայքերում քննադատության ալիք բարձրացավ՝ հիմնավորմամբ, որ նախաձեռնությունը խտրականություն է․ հաշմանդամություն ունեցողներին մեկուսացնում են հասարակությունից, ինտեգրելու փոխարեն։
