01.11.2024 | 16:29
Բրնձի առանձին տեսակների նկատմամբ սահմանվել է սակագնային քվոտա
Բարեգործական ՀԿ-ն պատերազմի մասնակիցներին տրված 10 մլն դրամների ներգրավմամբ նրանց համար տներ կկառուցի
Հասարակություն
13.07.2022 | 22:52
Կոտայքի մարզի Բալահովիտ գյուղում Աջակցություն վիրավոր զինվորներին և զինվորական հաշմանդամներին» բարեգործական հասարակական կազմակերպությունը ցանկանում է 44-օրյա պատերազմի ընթացքում հաշմանդամություն ձեռք բերած զինծառայողների համար հարմարեցված տների կառուցման ծրագիր իրականացնել։ Այդ նպատակով ՀՀ կառավարությունը Բալահովիտ գյուղում 0.597 հեկտար մակերեսով հողամաս կհատկացնի կազմակերպությանը։ Նախատեսվում է 4 տարվա ընթացքում իրականացնել շուրջ 450 միլիոն դրամի ներդրում։
Ծրագրի շրջանակներում նախատեսվում է կառուցել 8 մեկ հարկանի առանձնատուն և 1 երկհարկանի կացարան։ Համալիրը կլինի ամբողջությամբ կանաչապատ, կներառի այգի, հանգստի գոտի, մանկական խաղահրապարակ, սպորտդահլիճ՝ նախատեսված հաշմանդամություն ունեցող անձանց մարզումների համար։
Ուշագրավ է, որ ըստ որոշման նախագծի բարեգործական ՀԿ-ն պատրաստվում է ծրագրի իրականացման համար ներգրավել նաև պետության կողմից պատերազմի մասնակիցներին հատկացված գումարները։
«Նախաձեռնության իրագործման համար տղաներից յուրաքանչյուրը պատրաստ է ներդնել պետության կողմից իրենց հատկացված 10 միլիոն ՀՀ դրամը։ Կացարանի կառուցման և կահավորման համար պլանավորվում է ծախսել շուրջ 75 միլիոն դրամ։ Զրուցարանի կառուցման և տարածքի ընդհանուր բարեկարգման աշխատանքների համար անհրաժեշտ է շուրջ 35 միլիոն դրամ, մարզադահլիճի համար նախատեսվում է ծախսել 20 միլիոն դրամ»,- նշված է նախագծում։
