10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Պատերազմական լայնածավալ գործողությունները բացառում եմ. Վիգեն Սարգսյան
Քաղաքականություն
28.06.2017 | 11:29
Պատերազմական լայնածավալ գործողությունները բացառում եմ։ Այս մասին Պաշտպանության նախարարությունում՝ լրագրողների հետ հանդիպմանն ասաց նախարար Վիգեն Սարգսյանը։
Նախարարի խոսքով՝ ԼՂ կոնֆլիկտը պատերազմական գործողություններով չի կարող լուծվել, իսկ նման գործողություն նախաձեռնած Ադրբեջանն անուղղելի վնաս կարող է ստանալ:
«Մտածված գնալ պատերազմի անմտություն կլիներ, բայց դա չի բացառում էսկալացիաների, սադրանքների վտանգը, մենք պետք է մշտապես պատրաստ լինենք։ Այդ վտանգը չի կարող հիասթափեցնել մեզ այն աստիճան, որ հրաժարվենք մեր երկիրը խաղաղ ճանապարհով կառուցելու հեռանկարից»,- ասաց նա։
Լրագրողներն անդրադարձան նաև այն խնդրին, որ զոհված և հաշմանդամ դարձած զինծառայողների ընտանիքները բարձրաձայնում են, թե անտեսված են նախարարության կողմից։ Նախարարն ասաց, որ օր չկա, որ նախարարությունը այդ հարցով չզբաղվի:
«Փորձում ենք անել հնարավորը, շատ անգամ նախատեսվածից ավելի մեծ օգնություն ենք տրամադրում»,- ասաց Սարգսյանը՝ հավելելով, որ «չի կարող թույլ տալ իրեն» հայտարարել, որ ավելին են արել, քան նախատեսված է։
Սեդա Ղուկասյան
