30.04.2026 | 17:50
Նահանջ՝ 16 տեղով. ինչու է ՀՀ-ն զիջել դիրքերը մամուլի ազատության ինդեքսում․ ՏԵՍԱՆՅՈՒԹ
Արթիկի փլուզված շենքի խնդրով վերջնական որոշում չի կայացվել
Հասարակություն
27.06.2017 | 12:39
Հունիսի 22-ի գիշերը Արթիկ քաղաքի Սասունցի Դավիթի փողոցի թիվ 13 հասցեում գտնվող փլուզված բնակելի շենքի հարցով դեռ վերջնական որոշում կայացված չէ։ Այս մասին Factor.am-ի հետ զրույցում ասաց Արթիկի քաղաքապետ Մխիթար Վարագյանը։
Հիշեցնենք, որ փլուզման հետևանքով շենքի 7 ընտանիք տարհանվել է․ վերջիններս ժամանակավոր բնակություն են հաստատել բարեկամների տներում։
«Զբաղվում ենք բնակարանների հարցով, համապատասխան բնակարաններ ենք փնտրում, որ մարդկանց տեղափոխենք»,- ասաց Վարագյանը։
Մեր հստակեցնող հարցին՝ խոսքը ժամանակավո՞ր կացարանի, թե՞ մշտական բնակարանի մասին է, Արթիկի քաղաքապետը պատասխանեց՝ դեռևս ժամանակավոր կացարանի։
Արթիկի փլուզված շենքին Կառավարության նիստում անդրադարձել էր նաև վարչապետ Կարեն Կարապետյանը։ Քաղաքապետն ընդգծեց, որ մարզպետը, և ՀՀ ԿԱ քաղաքաշինության պետական կոմիտեի փոխնախարարը վարչապապետի հանձնարարությամբ ուսումնասիրություններ են սկսել, սակայն դրանք «աշխատանքային փուլում են, վերջնական որոշում կայացված չէ»։
Սեդա Ղուկասյան
