Ահազանգեր՝ ծրարով փող, նվերներ․ ո՞ւմ աչքի փուշն են «Վերջին զանգի» դրամահավաքներին չմասնակցողները․ ՏԵՍԱՆՅՈւԹ

Լուրեր

16.11.2026 | 11:04
Պեկինը հաստատել է՝ Չինաստանի, ԱՄՆ-ի և ՌԴ-ի ղեկավարները նոյեմբերի 19-ին եռակողմ հանդիպում կանցկացնեն Շենժենում
16.11.2026 | 11:03
19-ամյա Միրա Անդրեևան Ամփոփիչ մրցաշարի 2-րդ ամենաերիտասարդ հաղթողն է. ՏԵՍԱՆՅՈՒԹ
16.11.2026 | 11:02
Ժողովրդավարության հետընթացը, հալածանքների ենթարկվող անձանց իրավունքների պաշտպանությունը. ՈՒՂԻՂ
16.11.2026 | 11:02
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
16.11.2026 | 10:55
Հակակոռուպցիոն կոմիտեն Չինաստանի հետ քննարկել է կոռուպցիայի դեմ պայքարում համագործակցությունն ու տեխնիկական աջակցության հնարավորությունը
16.11.2026 | 10:42
Ամուսինը դանակով հարվածներ է հասցրել կնոջը և արգելել նրա շփումը երեք մանկահասակ երեխաների հետ․ ՔԿ
16.11.2026 | 10:30
Արտարժույթների փոխարժեքները՝ նոյեմբերի 16-ի դրությամբ
16.11.2026 | 10:23
Իսպանիայի հավաքականի ռեկորդային անպարտելի շարքն ավարտվել է. ՏԵՍԱՆՅՈՒԹ
16.11.2026 | 10:15
Աննա Վարդապետյանն ու Դուբայի գլխավոր դատախազը քննարկել են ապօրինի գույքի բռնագանձման և փողերի լվացման դեմ պայքարի հարցեր
16.11.2026 | 10:01
ԱԺ առողջապահության հարցերի հանձնաժողովի նիստը՝ ՈՒՂԻՂ
16.11.2026 | 09:58
46-ամյա Ռոնալդինյոն առաջին հանդիպումն է անցկացրել կարիերայի վերսկսումից հետո. ՏԵՍԱՆՅՈՒԹ
16.11.2026 | 09:50
«Ձորակ» խնամքի կենտրոնում ՄԻՊ-ն համակարգային խնդիրներ է արձանագրել․ սննդի որակից մինչև ոչ պատշաճ պայմաններ
16.11.2026 | 09:45
Փաշինյանն ու Կամբոջայի վարչապետը քննարկել են առևտրատնտեսական համագործակցության ընդլայնման հնարավորությունները
16.11.2026 | 09:38
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
16.11.2026 | 09:30
Երևանի քաղաքապետարանի գործակարգավարական խորհրդակցությունը. ՈՒՂԻՂ
Բոլորը

Յուլյա Անտոնյանը դպրոցական երեք երեխա ունի։ Հասցրել է դառնալ որոշ ծնողների և ուսուցիչների «աչքի փուշը» միայն այն պատճառով, որ տարբեր առիթներով դեմ է արտահայտվել դպրոցում անցկացվող դրամահավաքներին։ Անգամ հայհոյանքներ ու սպառնալիքներ է ստացել, երբ վերջերս դեմ է արտահայտվել հերթական դրամահավաքին։

«Ես կոնկրետ պայքարում եմ այդ անհավասարության, ծնողկոմիտեի՝ միջոցառումներում ավելորդ ներգրավվածության դեմ։ Ծնողները չպետք է որոշեն, թե այս կամ այն միջոցառմանը որքան գումար պետք է հավաքվի, ինչ ծավալով պետք է իրականացվի այդ միջոցառումը»,- Factor TV-ի հետ զրույցում նշում է ԵՊՀ դասախոս Յուլյա Անտոնյանը։

ՀՀ Կրթության, գիտության, մշակույթի և սպորտի նախարարությունը տեղեկացնում է՝ վերջին շրջանում բազմաթիվ ահազանգեր են ստանում դպրոցներում դրամահավաքության դեպքերի վերաբերյալ: Նախարարությունը շրջաբերական նամակով դիմել է Երևանի քաղաքապետարան և մարզպետարաններ՝ առաջարկելով իրենց ենթակա ուսումնական հաստատություններին հանձնարարել, որ հանրակրթական ուսումնական հաստատություններում բացառվեն նմանօրինակ երևույթները:

Այս տարվա մարտ-ապրիլ ամիսներին նախարարության «Թեժ գծին» հանրակրթական դպրոցներից ստացված ահազանգերի կեսից ավելին՝ 29-ից 15-ը, վերաբերում է հենց դրամահավաքությանը, որից 14-ը՝ հիմնական, 1-ը՝ ավագ դպրոցից։

«Վերջին զանգի» միջոցառումներին ընդառաջ՝ Factor TV-ն ևս ահազանգեր է ստանում ավարտական միջոցառումների շրջանակում ուսուցիչների, ուսմասվարների, տնօրենների համար նախատեսված նվերների, խնջույքների և այլ միջոցառումների կազմակերպման համար հավաքագրվող գումարների մասին։ Երևանի քաղաքապետարանից տեղեկացրին, որ իրենք էլ պարբերաբար ստանում են նմանատիպ ահազանգեր և գնում են դրանց հետքերով։

«Ահազանգի հետքերով գնալ, խոսել, իրավիճակը պարզելն է միակ մեխանիզմը, դրանից առավել իրավասություններ և լիազորություններ ունի միայն ոստիկանությունը։ Ըստ էության, նման դեպքերում գործ ունենք շորթում երևույթի հետ»,- նշում է Երևանի քաղաքապետարանի լրատվության վարչության պետ Լևոն Սարդարյանը։

Յուլյա Անտոնյանը նկատում է՝ ԿԳՄՍ նախարարությունը պետք է հստակ սահմանի՝ ինչ նկատի ունի դրամահավաքություն ասելով, նշի՝ կոնկրետ ինչն է արգելվում և ինչը՝ ոչ։

Հոգեբան Անուշ Ալեքսանյանն էլ շեշտում է՝ մեր հանրությունը հակված է նյութականացնելու հոգևոր արժեքները։ Այդ երևույթը դրսևորվում է նաև դպրոցներում․ «Եթե մենք շնորհակալությունը և աշխատանքի գնահատականը տեսնում ենք նվերների, ծրարով գումարների մեջ, դա խոսում է մեր նյութականացված արժեհամակարգի մասին։ Ուսուցիչները պետք է մերժեն նման երևույթները»։

Թե՛ քաղաքացիների շրջանում անցկացված հարցման ընթացքում, թե՛ սոցցանցերում փոքրիկ մոնիթորինգի արդյունքում պարզեցինք, որ ծնողներից շատերը դեմ են դպրոցներում դրամահավաքության հետ կապված նախարարության արգելանքին։ Շատերն այն համոզման են, որ նվերը, գումարը, ծաղկեփունջը ուսուցչին գնահատելու, նրա աշխատանքն արժևորելու միջոց են։

Հոգեբանի խոսքով՝ ծնողներն ուսուցչի աշխատանքը հաճախ ընկալում են որպես իրենց երեխային արված «լավություն», այդ է պատճառը, որ ցանկանում են նյութական փոխհատուցում տալ դրան։ Թեև ԿԳՄՍՆ-ն պարբերաբար հանդես է գալիս կոչերով, քաղաքապետարանն ու մարզպետարանները փորձում են գնալ ահազանգերի հետքերով, մեր ստացած ահազանգերն ու հանրային հարցումները ցույց են տալիս՝ ծնողներից շատերը պարզապես լռում են՝ նպաստավոր պայմաններ ստեղծելով դրամահավաքության ու կոռուպցիայի դրսևորումների համար։

Մանրամասները՝ տեսանյութում։

Աննա Բաբաջանյան