08.09.2026 | 17:13
Ռուսական կողմի սահմանափակումները չեն համապատասխանում ԵԱՏՄ սկզբունքներին. Էկոնոմիկայի փոխնախարար․ ՏԵՍԱՆՅՈՒԹ
Երգչուհի Քեթի Փերին, Ջեֆ Բեզոսի հարսնացուն և բացառապես կանանցից բաղկացած տիեզերական անձնակազմը վերադարձել են Երկիր. ՏԵՍԱՆՅՈՒԹ
Քաղաքականություն
14.04.2025 | 23:03
Ամերիկացի հայտնի երգչուհի Քեթի Փերին տիեզերք է թռել ամերիկյան New Shepard հրթիռով՝ որպես վեց կանանցից բաղկացած անձնակազմի անդամ։ Թռիչքը կազմակերպել է Blue Origin-ը, որը պատկանում է Amazon-ի հիմնադիր Ջեֆ Բեզոսին։
Փերրիից բացի՝ թռիչքին մասնակցել է Բեզոսի հարսնացուն՝ լրագրող Լորեն Սանչեսը, ակտիվիստ Ամանդա Նգուեն, ավիատիեզերական ինժեներ և ձեռնարկատեր Այշա Բուն, կինոպրոդյուսեր Քերիան Ֆլինը, CBS News-ի ռադիոհաղորդավարուհի Գեյլ Քինգը։
Սա առաջին՝ բացառապես կանանցից բաղկացած անձնակազմն է Վալենտինա Տերեշկովայի 1963 թվականի թռիչքից ի վեր։
BBC-ռուսական ծառայության հաղորդմամբ՝ բացառապես կանանցից բաղկացած անձնակազմը վերադարձել է Երկիր։ Դեպի տիեզերք թռիչքը տևել է մոտ 11 րոպե։
NS-31 առաքելությունը Blue Origin-ի New Shepard հրթիռի 11-րդ տիեզերական թռիչքն էր մարդկանց և, ընդհանուր առմամբ, 31-րդը։ Մինչ օրս ծրագրի շրջանակում տիեզերք է ուղարկվել 52 մարդ։ Ընկերությունը չի բացահայտում, թե որքան է New Shepard-ով թռիչքի մեկ տեղի արժեքը։
Թարգմանությունը՝ Էմմա Չոբանյանի
