28.03.2026 | 16:00
Երկրաշարժ Մարտունի քաղաքից 15 կմ հարավ-արևելք․ այն զգացվել է Մադինա գյուղում՝ 2-3 բալ ուժգնությամբ
Հաջիևը հայտարարել է, թե Հայաստանը պետք է հրաժարվի Ադրբեջանի նկատմամբ տարածքային պահանջներից
Քաղաքականություն
03.04.2022 | 19:16
Հայաստանը պետք է հրաժարվի Ադրբեջանի նկատմամբ տարածքային պահանջներից՝ հարաբերությունները կարգավորելու համար: Այս մասին TRT World-ին տված հարցազրույցում ասել է Ադրբեջանի նախագահի օգնական-նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
Նա նշել է, որ երկու երկրների հարաբերությունները կարգավորելու համար ադրբեջանական կողմը հայկականին է փոխանցել հինգ կետից բաղկացած փաստաթուղթ, որը «ներառում է Հելսինկյան համաձայնագրերի սկզբունքները»:
«Մենք հայկական կողմին ներկայացրել ենք խաղաղության պայմանագրի հիմնարար սկզբունքները, նաև` պոտենցիալ խաղաղության պայմանագիր Հայաստանի և Ադրբեջանի միջև։ Դրանք ձևակերպված են միջազգային իրավունքի նորմերի և սկզբունքների հիման վրա և հիմք են հանդիսանում բարիդրացիական հարաբերությունների համար։ Եթե դուք ցանկանում եք բարիդրացիական հարաբերություններ հաստատել, այդ ամենր սկսվում է առաջին և ամենակարևոր որոշումից. Հայաստանն ու Ադրբեջանը պետք է ճանաչեն իրենց տարածքային ամբողջականությունը, ինքնիշխանությունը և սահմանների անձեռնմխելիությունը։ Պետք է նաև զերծ մնալ ուժի կիրառումից և ուժի սպառնալիքից»,- ասել է Հաջիևը։
«Հայաստանը պետք է վերջ տա Ադրբեջանի նկատմամբ տարածքային այս պահանջներին։ Եվ հետո, սրանից ելնելով, մենք կկարողանանք առաջ շարժվել»,- ասել է նա:
Հաջիևը ուշադրություն է հրավիրել այն փաստի վրա, որ Թուրքիան դիվանագիտական մակարդակով նույնպես սկսում է կապ հաստատել Հայաստանի հետ։ «Մենք աջակցում ենք այս գործընթացին, բայց միևնույն ժամանակ աջակցում ենք այս գործընթացի երկու ուղղությունների համաժամանակյա և զուգահեռ զարգացման գործընթացին՝ հայ-ադրբեջանական, ինչպես նաև հայ-թուրքական հարաբերությունների կարգավորմանը»:
