21.08.2026 | 10:46
Պապիկյանը ստուգայցերով բանակային դիրքերում է․ ՏԵՍԱՆՅՈՒԹ
Ադրբեջանում ՌԴ դեսպան հայտարարել է, որ Մոսկվան նպատակ ունի զարգացնել Բաքվի հետ դաշնակցային հարաբերությունները
Քաղաքականություն
30.03.2022 | 14:48
Ռուսաստանը Ադրբեջանի հետ հարաբերությունների հետագա զարգացման նպատակ ունի։ Այս մասին մամուլի ասուլիսի ժամանակ հայտարարել է Ադրբեջանում ՌԴ դեսպան Միխայիլ Բոչարնիկովը, գրում է ՏԱՍՍ-ը։
«Ռուսաստանի և Ադրբեջանի միջև դաշնակցային համագործակցության մասին հռչակագրի ստորագրումը երկրների հարաբերությունները բերում է նոր կայուն մակարդակի։ Ռուսաստանը նպատակաուղղված է երկրների միջև դաշնակցային հարաբերությունների, ընկերության ու բարիդրացիության հետագա զարգացմամբ»,- ասել է ռուս դիվանագետը։
Հիշեցնենք, որ ՌԴ-ի և Ադրբեջանի միջև նոր դաշնակցային համագործակցության մասին հռչակագիրը երկու երկրները նախագահները ստորագրել են փետրվարի 22-ին։
Բացի այդ, Բաքվում ՌԴ դեսպանն անդրադարձել է ադրբեջանական կողմի տարածած կեղծ տեղեկություններին, թե Արցախում ռուս խաղաղապահներն ուղարկվել են Ուկրաինա։
«Խաղաղապահները գտնվում են Ղարաբաղում, Ուկրաինա չեն ուղարկվել»,- ասել է դեսպանը։
Էմմա Չոբանյան
