20.04.2026 | 20:13
Ապրիլից շտապբուժօգնության աշխատակիցների աշխատավարձը բարձրացել է, կտրամադրվի նաև 40 հազար դրամ պարգևավճար
Հայաստանի ազգային գրադարանը թամանյանականի մեծ ցուցասրահում ստեղծել է «Պոեզիայի պատ»
Մշակույթ
19.03.2022 | 14:36
Հայաստանի ազգային գրադարանը Պոեզիայի համաշխարհային օրվան ընդառաջ թամանյանականի մեծ ցուցասրահում ստեղծել էր «Պոեզիայի պատ»։ Նախագիծը նպատակ ուներ պարզել, թե ժամանակակից ո՞ր պոետներին են ճանաչում, կարդում և սիրում մեր երիտասարդները. տեղեկացնում են Հայաստանի ազգային գրադարանի հանրային կապերի բաժնից:
«Ընթերցողները թղթերի վրա նշում էին իրենց սիրելի պոետի անունը և փակցնում պատին։ Մեկ շաբաթվա ընթացքում հավաքվեց 50-ից ավել նշումներով թղթեր։
Սիրելի պոետներից էին՝ Հակոբ Մովսես, Հենրիկ Էդոյան, Հասմիկ Սիմոնյան, Սոնա Վան, Հուսիկ Արա և այլ։
Ամփոփելով «Պոեզիայի պատ»-ի արդյունքները սիրով տեղեկացնում ենք, որ Պոեզիայի համաշխարհային օրը՝ մարտի 21-ին մեր և ձեր սպասված հյուրն է լինելու բանաստեղծ Հուսիկ Արան։
Սպասում ենք պոեզիայի բոլոր սիրահարներին. կքննարկենք, կզրուցենք պոեզիայից»,- ասված է հաղորդագրությունում:
