06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
ԱԳՆ-ն՝ ՀՀ և Ռումինիայի միջև դիվանագիտական հարաբերությունների հաստատման 30-ամյակի մասին
Քաղաքականություն
17.12.2021 | 20:12
1991թ. այս օրը՝ դեկտեմբերի 17-ին, Հայաստանն ու Ռումինիան հաստատել են դիվանագիտական հարաբերություններ: Ռումինիան Միավորված ազգերի կազմակերպությանն անդամակցած առաջին պետությունն էր, որ ճանաչեց ՀՀ անկախությունը, և մենք ջերմությամբ ենք հիշում այդ փաստը: Այս մասին տեղեկացնում է ԱԳՆ-ն։
Հայաստանը կարևորում է Ռումինիայի հետ բարեկամական հարաբերությունների խորացումը՝ հիմնված փոխադարձ վստահության, ընդհանուր ժողովրդավարական արժեքների, ինչպես նաև՝ երկու ժողովուրդների միջև առկա համակրանքի վրա:
Հայաստանը բարձր է գնահատում Ռումինիայի քայլերը՝ հայկական մշակութային ժառանգությունը Ռումինիայում պահպանելու և հայ համայնքին աջակցելու գործում:
Մենք պատրաստակամ ենք ընդլայնել Ռումինիայի հետ փոխշահավետ համագործակցությունն ինչպես երկկողմ, այնպես էլ ՀՀ-ԵՄ Համապարփակ և ընդլայնված գործընկերության համաձայնագրի շրջանակներում:
Այս հոբելյանական օրը Ռումինիայի ժողովրդին մաղթում ենք բարգավաճում և բարեկեցություն:
