18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Վրաստանում 10 մարդու մոտ կորոնավիրուսի «օմիկրոն» շտամ է կասկածվում
Քաղաքականություն
17.12.2021 | 18:32
Վրացի բժիշկները կասկածում են, որ ավելի քան մեկ տասնյակ մարդ վարակվել է կորոնավիրուսի «օմիկրոն» շտամով։ Այս մասին «Ռուսթավի 2»-ին տված հարցազրույցում ասել է Վրաստանի Առողջապահության նախարարության Հիվանդությունների վերահսկման և հանրային առողջության ազգային կենտրոնի տնօրեն Ամիրան Գամկրելիձեն, փոխանցում է Գրուզիա օնլայնը։
«Այդ դեպքերը, ըստ մեր մշակած արձանագրության, կասկածելի են։ Կասկածելի դեպքերն ուղարկվում են տարբեր լաբորատորիաներ. տասից ավելի կասկածելի դեպքեր ներկայում հետաքննվում են։ Այսօր կարող եմ ասել, որ, իսկապես, այս պահի դրությամբ՝ մենք չունենք «Օօիկրոնի» լաբորատոր հաստատված դեպքեր, բայց դա չի նշանակում, որ այն չի շրջանառվում երկրում»,- ասել է Գամկրելիձեն։
Վրաստանում կորոնավիրուսով վարակման առաջին դեպքը գրանցվել է 2020 թվականի փետրվարի 26-ին։ Ընդհանուր առմամբ, համաճարակի սկզբից ի վեր ավելի քան 3,7 միլիոն բնակչություն ունեցող երկրում հայտնաբերվել է վարակի ավելի քան 909,2 հազար դեպք, ապաքինվել է ավելի քան 849 հազար մարդ, 12,918 հիվանդ մահացել է վիրուսի պատճառով առաջացած բարդություններից։
Տաթև Ֆռանգյան
