29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Արման Թաթոյանի աշխատանքից դժգոհ է միայն Ադրբեջանը և ՔՊ-ն, ինչո՞ւ․ պատգամավորի հարցը Վլ․ Վարդանյանին․ ՏԵՍԱՆՅՈՒԹ
Քաղաքականություն
17.12.2021 | 10:48
ՀՀ մարդու իրավունքների պաշտպանի պաշտոնում ԱԺ «Քաղաքացիական պայմանագիր» խմբակցությունն առաջարկում է Քրիստինե Աղվանի Գրիգորյանի թեկնածությունը: ԱԺ մարդու իրավունքների պաշտպանության և հանրային հարցերի մշտական հանձնաժողովի արտահերթ նիստում «Քաղաքացիական պայմանագիր» խմբակցության պատգամավոր Վլադիմիր Վարդանյանը ներկայացրեց թեկնածուին:
«Հայաստան» խմբակցության պատգամավոր Արեգնազ Մանուկյանը կարծիք հայտնեց, որ անհրաժեշտ է հարցում անել և պարզել՝ արդյոք թեկնածուն հեղինակակություն է վայելում հասարակության շրջանում: Պատգամավորն առաջարկեց դուրս գալ փողոց և հարցնել` ով է ճանաչում Քրիստինե Գրիգորյանին:
«Արման Թաթոյանի աշխատանքից դժգոհ է Ադրբեջանն ու ՔՊ-ն: Ինչո՞վ եք դա բացատրում»,- նշեց Մանուկյանը:
Վլադիմիր Վարդանյանը չհամաձայնեց այդ տեսակետների հետ՝ պնդելով, որ Արեգնազ Մանուկյանին էլ շատերը չեն ճանաչում: Ինչ վերաբերում է Թաթոյանին, Վարդանյանն արձանագրեց, որ նա ՀՀ միակ ՄԻՊ-ն է, որն օրենքով սահմանված ամբողջական ժամկետով է պաշտոնավարել:
Նշենք, որ Մարդու իրավունքների գործող պաշտպան Արման Թաթոյանի պաշտոնավարման ժամկետը լրանում է 2022-ի փետրվարի 23-ին:
Մանրամասները՝ տեսանյութում:
