19.05.2026 | 18:51
Բելառուսը մտադիր է մասնակցել Արցախի տարածքներում նախագծերին
«Ունենք 63 նոր միկրոավտոբուս, սակայն դրանք բավարար չեն»․ Գյումրու քաղաքապետ
Հասարակություն
14.12.2021 | 21:00
Գյումրին ձեռք է բերել 63 նոր միկրոավտոբուս, սակայն դրանք բավարար չեն ողջ քաղաքին սպասարկելու համար, այս մասին Factor.am-ի հետ զրույցում տեղեկացրեց Գյումրու քաղաքապետ Վարդգես Սամսոնյանը։ Նրա խոսքով՝ 2022 թվականին պատրաստվում են ավելացնել ավտոբուսների քանակը, նոր տրանսպորտային ցանցը 80 տոկոսով պատրաստ է,իսկ ավտոպարկը կառուցման փուլում է։
«Փաստացի ունենք 63 հատ, ռուսական «Գազելներ» են, որոնք բարձր են, հարմարվետ, սակայն այս քանակը բավարար չէ, ամբողջ ցանցի համար մոտ 85 միկրոավտոբուս է անհրաժեշտ։
Ցանցի կառուցման աշխատանքները 80 տոկոսով են արված, կփորձենք հնարավորինս արագ՝ երևի թե գարնանը շահագործել», -ասաց քաղաքապետը։
Հիշեցնենք, որ 63 նոր միկրոավտոբուսները Գյումրու համայնքապետարանը ձեռք է բերել ՀՀ կառավարության հետ համատեղ իրականացվող սուբվենցիոն ծրագրի շրջանակներում (50-50% հարաբերակցությամբ)։ Դրանցից 4-ը նախատեսված է հաշմանդամություն ունեցող անձանց համար։
Արմիկ Մովսիսյան
