08.06.2026 | 19:42
Ողջունում ենք, որ Հայաստանում խորհրդարանական ընտրություններն ավարտվեցին խաղաղ և հանգիստ մթնոլորտում․ Թուրքիայի ԱԳՆ
Հայաստանը Pfizer պատվաստանյութի 400 հազար դեղաչափ կստանա
Քաղաքականություն
14.12.2021 | 19:21
Եվրահանձնաժողովը 35 միլիոն եվրո արժողությամբ համաձայնագիր է ստորագրել BGK-ի՝ Լեհական զարգացման բանկի հետ, որի նպատակն է աջակցել ԵՄ անդամ պետություններին՝ Արևելյան գործընկերության երկրներ COVID-19-ի դեմ պատվաստանյութերի մատակարարման հարցում, այս մասին ասված է Եվրահանձնաժողովի պաշտոնական կայքէջում։
Լեհաստանի դերն է՝ աջակցել ԵՄ անդամ պետություններում առկա պատվաստանյութերի դեղաչափերը Արևելյան գործընկերության երկրների զարգացող կարիքների հետ համապատասխանեցմանը: Ըստ աղբյուրի՝ համաձայնագրով Հայաստանը Պորտուգալիայից Pfizer պատվաստանյութի 400 հազար դեղաչափ կստանա:
Բրյուսելում հրավիրված մամուլի ասուլիսում Եվրոպական հարևանության և ընդլայնման հարցերով հանձնակատար Օլիվեր Վարհելին և Լեհաստանի արտգործնախարար Զբիգնև Ռաուն ծրագիրը հայտարարել են որպես Եվրամիության (ԵՄ) «համերաշխության ակտ» արևելյան գործընկերների՝ Հայաստանի, Ադրբեջանի, Բելառուսի, Վրաստանի , Մոլդովայի և Ուկրաինայի հետ։ Ամբողջ ծրագրի բյուջեն կազմում է 35 միլիոն եվրո։
Տաթև Ֆռանգյան
