26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Թուրքիայի քաղաքացիներն աղքատացել են․ Ստամբուլի քաղաքապետը քննադատել է էժան հացի համար հերթերը պատկերող տեսանյութերի հրապարակումը
Քաղաքականություն
14.12.2021 | 21:56
Ստամբուլի ընդդիմադիր քաղաքապետ Էքրեմ Իմամօղլուն ասել է, որ Թուրքիայի քաղաքացիներն աղքատացել են լիրայի կտրուկ անկման և գնաճի պատճառով, սակայն չի ողջունում էժան հացի համար հերթերը պատկերող տեսանյութերի հրապարակումը, գրում է ՌԻԱ Նովոստին։
Թուրք օգտատերերը սոցիալական ցանցերում տեսանյութեր են տարածում Ստամբուլի փողոցներում էժան հացի երկար հերթերի մասին, որի գինը սուբսիդավորվում է քաղաքային իշխանությունների կողմից։ Այսպես կոչված, «ժողովրդական հացը» (հալք էքմեք) փողոցային տաղավարներում վաճառվում է 1,25 լիրայով, իսկ խանութներում, թանկացումից հետո, հացն արժե 2,5-3,5 լիրա։
«Ցավոք, մեր ժողովուրդն աղքատացել է, սա փաստ է, բայց ես դժգոհ եմ մեր հայրենակիցների տեսանյութերի հրապարակումից, որոնցում մարդիկ հերթ են կանգնում էժան հաց գնելու համար»,- գրել է Իմամօղլուն Twitter-ում։
Նրա խոսքով՝ մեկ պարկ ալյուրը մեկ տարում 127 լիրայից հասել է 325 լիրայի։
«Մենք ամեն ինչ անելու ենք՝ Ստամբուլի բնակիչներին էժան հացով ապահովելու համար»,- հավելել է քաղաքապետը։
Տաթև Ֆռանգյան
