09.06.2026 | 22:17
Տրանսպորտային միջոցը երկրորդ շարքում կանգառ կամ կայանում կատարելու համար կազմվել է 7595 արձանագրություն․ ՆԳՆ
Պատմության մեջ առաջին անգամ պաշտոնական այցով Իսրայելի վարչապետը մեկնել է ԱՄԷ
Քաղաքականություն
13.12.2021 | 17:51
Իսրայելի վարչապետ Նաֆթալի Բենեթը դարձել է երկրի կառավարության առաջին ղեկավարը, որը պաշտոնական այցով մեկնել է Արաբական Միացյալ Էմիրություններ։ Բենեթը Աբու Դաբիում դեկտեմբերի 12-ին հանդիպել է ԱՄԷ արտաքին գործերի նախարար Աբդուլլահ բեն Զայեդ ալ-Նահյանի հետ, գրում է The Times of Israel-ը։
«Ես գնահատում եմ ձեր ջերմ հյուրընկալությունը: Սա հիանալի ընդունելություն է: Ես շատ ուրախ եմ այստեղ լինել՝ Իսրայելի կառավարության ղեկավարի առաջին պաշտոնական այցով: Մենք ակնկալում ենք երկրների միջև հարաբերությունների ամրապնդում»,- ասել է Բենեթը ԱՄԷ-ի մայրաքաղաքի օդանավակայանում:
NEWSru.co.il-ի փոխանցմամբ՝ դեկտեմբերի 13-ին Աբու Դաբիի գահաժառանգ արքայազն Մուհամմադ բեն Զայեդի պալատում մեկնարկել է Նաֆթալի Բենեթի հետ հանդիպումը։
Իսրայելի առաջնորդի շրջապատից աղբյուրը նշել է, որ ԱՄԷ-ն հետաքրքրված է Բենեթի փորձով՝ որպես բարձր տեխնոլոգիաների ոլորտում խոշոր ձեռնարկատեր, ինչպես նաև հետաքրքրություն է ցուցաբերում ընդհանրապես իսրայելական նորարարությունների նկատմամբ։ Հանդիպմանը հատուկ ուշադրություն է դարձվելու երկկողմ հարաբերությունների ընդլայնմանը։
Միաժամանակ, այցի պատճառ է դարձել Իրանի միջուկային ծրագրի վերաբերյալ Իսրայելի և Պարսից ծոցում նրա դաշնակիցների մտահոգությունը։
Տաթև Ֆռանգյան
