02.05.2024 | 14:53
Կյանքի պուրակի կառուցման աշխատանքներն ընթացքում են
ԱՄՆ-ում տորնադոն ավերել է Amazon-ի պահեստը․ կան զոհեր
11.12.2021 | 17:50
ԱՄՆ Իլինոյս նահանգի Էդվարդսվիլ քաղաքում հզոր տորնադոն մասամբ ավերել է Amazon ընկերության պահեստը: Փլատակներում կարող է գտնվել 50-100 մարդ, փոխանցում է Korrespondent.net-ը։
Դեպքի վայրում աշխատում են փրկարարներն ու բժիշկները։ Այս պահին տուժածների մասին պաշտոնական տեղեկություններ չկան:
Ինչպես փոխանցում է «ՌԻԱ Նովոստի»-ն, առնվազն երկու մարդ զոհվել է։
Արկանզաս նահանգի Մոնետ քաղաքում տորնադոյի հետևանքով տարեցների խնամքի կենտրոնի մասնակի ավերումից հետո առնվազն երկու մարդ է զոհվել, ևս 20-ը փլատակներում են գտնվում:
Ավելի վաղ ամերիկացի օդերևութաբանները նախազգուշացրել էին Արկանզաս, Կենտուկի և Իլինոյս նահանգներում տորնադոյի հնարավորության մասին:
