17.12.2025 | 18:15
Պապոյանն ու Շվեյցարիայի դեսպանը քննարկել են տնտեսության ոլորտում երկկողմ համագործակցության ընդլայնման հնարավորությունները
ԱՄՆ-ը հայտարարել է Իրանին զսպելու «ռազմական տարբերակներ» ունենալու մասին
Քաղաքականություն
10.12.2021 | 16:25
ԱՄՆ-ը մեծ թվով «ռազմական տարբերակներ» ունի Իրանին զսպելու համար, ասել է ԱՄՆ բանակի կենտրոնական հրամանատարության (CENTCOM) ղեկավար, գեներալ Քենեթ Մաքքենզին։
Financial Times-ին տված հարցազրույցում Մաքքենզին ասել է, որ Միացյալ Նահանգներն ունի «ռազմական տարբերակների շատ հզոր փաթեթ»:
«Իրանը լրջորեն թերագնահատում է մեզ, եթե կարծում է, որ կարող է շարունակել հարձակումը Իրաքում և Սիրիայում, և միևնույն ժամանակ շարունակել բանակցությունները միջուկային համաձայնագրի շուրջ՝ առանց որևէ հետևանքի։ Մենք հնարավորություն ունենք, անհրաժեշտության դեպքում, շատ արագ ուժեղանալու: Եվ կարծում եմ, որ Իրանը լավ է հասկանում այս փաստը»,- ասել է Մաքքենզին:
Պարբերականի աղբյուրի տեղեկությունների համաձայն՝ Պենտագոնի պաշտոնյաները հոկտեմբերին Սպիտակ տան ազգային անվտանգության հարցերով խորհրդական Ջեյք Սալիվանին տեղեկացրել են ռազմական տարբերակների մասին, որոնք կկանխեն Իրանի կողմից միջուկային զենքի ստեղծումը։
Տաթև Ֆռանգյան
