29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Լոնդոնի դատարանը բավարարել է Ասանժին արտահանձնելու՝ ԱՄՆ-ի հայցը
Քաղաքականություն
10.12.2021 | 15:43
Լոնդոնի Գերագույն դատարանը բավարարել է WikiLeaks-ի հիմնադիր Ջուլիան Ասանժի արտահանձնման վերաբերյալ ԱՄՆ-ի հայցը, գրում է ՌԻԱ Նովոստին։
Դատարանը բողոքը քննել է հոկտեմբերի 27-ին և 28-ին, սակայն որոշումը հրապարակվել է այսօր։
Դրանից բխում է, որ գործը վերադարձվել է Վեսթմինսթերյան շրջանային դատարան, Ասանժը կմնա կալանքի տակ։
«Դատարանը բավարարել է բողոքը և որոշել, որ գործը պետք է ուղարկվի Վեսթմինսթերի դատարան՝ հանձնարարելով շրջանային դատավորին գործը փոխանցել պետքարտուղարին, որը կորոշի՝ արդյո՞ք Ասանժը պետք է արտահանձնվի Միացյալ Նահանգներին, թե՞ ոչ»,- ասվում է դատավճիռում:
Նշվում է, որ Ասանժը կմնա կալանքի տակ։
Տաթև Ֆռանգյան
