11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Փաշինյանը գերի է Ալիևին. Սեյրան Օհանյան. ՏԵՍԱՆՅՈՒԹ
Քաղաքականություն
10.12.2021 | 14:06
ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանն այսօր լրագրողների հետ ճեպազրույցում անդրադարձավ Հայաստան վերադարձած գերիների նկատմամբ հարուցված քրեական գործերին ու նրանց ձերբակալմանը։
«Ես գտնում եմ, որ առաջին հերթին այն մարդիկ, ովքեր ստեղծել են այդ պայմանները, որ մարդիկ գերի ընկնեն, նրանց պետք է քննեն, նրանց նկատմամբ համապատասխան քայլեր պետք է իրականացվեն։ Այսօր առաջին հերթին պատասխանատվություն պետք է կրեն այն մարդիկ, որոնք գերեվարման պայմաններ են ստեղծել այս պատերազմի ընթացքում։ Ըստ էության, եթե մենք վերլուծում ենք այսօրվա իշխանություններին, ունենք ժողովրդի մեծ քանակություն, ովքեր գերի են մեկ մարդու ապիկար կառավարմանը։ Եվ ունենք մեկ մարդ՝ կառավարության ղեկավարությունը, որն այսօր գերի է հակառակորդին, կատարում է Ալիևի կամքը»,- նշեց Օհանյանը։
Նրա խոսքով՝ Զինված ուժերի ներքին կանոնադրության մեջ գրված է, թե զինծառայողներն ինչպիսի պարտականություն, իրավունքներ և պատասխանատվություն են կրում, նաև մարտական գործողությունների ժամանակ։
«Նշված է, որ զինծառայողները պետք է իրենց պարտքը մինչև վերջ կատարեն, նաև այնտեղ նշված է, որ ղեկավար կազմը պետք է ապահովի պարտականությունների կատարում։ Եվ նշված է, թե գերության պայմանները որոնք են։ Գերության պայմաններն առաջին հերթին հիմնական գործողություններից հեռու կամ առանձին, կամ շրջափակման մեջ գտնվելու պայմաններն են, նաև ծանր վիրավորվածությունը։ Այս իրականության մեջ ես գտնվում եմ, որ պետք է ուսումնասիրվի՝ որոնք են այն պայմանները, որ զինծառայողները հայտնվել են գերության մեջ»,- ընդգծեց Օհանյանը:
Մանրամասները՝ տեսանյութում:
