18.12.2025 | 23:24
ՀՀ տարածքում ավտոճանապարհները հիմնականում անցանելի են
Մոսկվայում հանդիպել են Հայաստանի և ՌԴ ԱԳ փոխնախարարները
Քաղաքականություն
10.12.2021 | 13:42
Մոսկվայում այսօր ՀՀ ԱԳ փոխնախարար Վահե Գևորգյանի հանդիպել է ՌԴ ԱԳ փոխնախարար Անդրեյ Ռուդենկոյին։ Այս մասին տեղեկանում ենք ՌԴ ԱԳՆ պաշտոնական կայքից։
«Վստահելի և կառուցողական մթնոլորտում քննարկվել են երկկողմ, ինչպես նաև միջազգային և տարածաշրջանային օրակարգի հարցեր»,- մասնավորապես ասվում է տարածված հաղորդագրության մեջ։
Հանդիպումից այլ մանրամասներ չեն հաղորդվում։
Նշենք, որ այսօր Մոսկվայում նախատեսված է «3+3» տարածաշրջանային ձևաչափով համագործակցության հարթակի առաջին նիստը, որը նվիրված է Հարավային Կովկասում խաղաղության և կայունության ամրապնդմանը։Նիստին մասնակցելու են Հայաստանի, Ռուսաստանի, Իրանի, Թուրքիայի և Ադրբեջանի փոխարտգործնախարարները։
Հիշեցնենք, որ ավելի վաղ վարչապետ Նիկոլ Փաշինյանը հայտարարել էր, որ Հայաստանը կմասնակցի «3+3» ձևաչափին, բայց պայմանով, որ այնտեղ չեն քննարկվելու այնպիսի հարցեր, որոնք արդեն իսկ քննարկվում են այլ հարթակներում։
Էմմա Չոբանյան
