17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Չնայած լիրայի արժեզրկմանն ու ճգնաժամին՝ Էրդողանը թուրքերին համբերության կոչ է արել և խնդրել վստահել իր նոր տնտեսական մոդելին
Քաղաքականություն
09.12.2021 | 20:40
Թուրքիայի նախագահ Ռեջեփ Թայիփ Էրդողանը հայտարարել է, որ թուրք ժողովուրդը պետք է համբերատար լինի ու վստահի կառավարության նոր տնտեսական մոդելին, որում նա առաջնահերթությունը տվել է ցածր տոկոսադրույքներով տնտեսական աճին, գրում է Duvar-ը։
Լիրայի արժեզրկումը պայմանավորված է ագրեսիվ դրամավարկային քաղաքականության թուլացմամբ, որը տնտեսագետներն ու ընդդիմադիրները անվանում են անխոհեմ։ Նախորդ ամիս գնաճը հասել է 3 տարվա առավելագույն մակարդակին՝ 21,3%-ի:
Կառավարության նիստից հետո Էրդողանն ասել է, որ Թուրքիայում գների աճը պայմանավորված է ագահությամբ ու ներկրման գներով՝ հավելելով, որ ինքը թույլ չի տա «մեծ հանցագործություն» ՝որևէ ինստիտուտում պահեստավորումները։
«Մեր նպատակն է տևական բարգավաճումը, տևական կայունությունը։ Գինը, որ մենք հիմա վճարում ենք, արդարացնում է այն, ինչ ձեռք ենք բերելու»,- ասել է Թուրքիայի նախագահը։
Էրդողանը նաև հայտարարել է, որ ֆինանսական շուկայի անկայունությունը, ի վերջո, դադարելու է, և թանկացումները, որ բխում են էներգիայի թանկացումից, շուտով կկայունանան։ Նա արտարժույթ ունեցող թուրքերին կոչ է արել օգտվել իր նոր տնտեսական մոդելի հնարավորություններից։
Հավելենք, որ Թուրքիայում լիրայի արժեզրկումն ու տնտեսական ճգնաժամը սոցիալական մեծ լարվածություն են առաջացրել բնակչության շրջանում։
Էմմա Չոբանյան
