22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Թուրքիայի ԱԳՆ-ն հայտարարել է, որ «3+3» ձևաչափի առաջին նիստը տեղի է ունենալու Մոսկվայում դեկտեմբերի 10-ին
Քաղաքականություն
09.12.2021 | 12:34
«3+3» ձևաչափով համագործակցության հարթակի առաջին նիստը, որը նվիրված է Հարավային Կովկասում խաղաղության և կայունության ամրապնդմանը, տեղի է ունենալու Մոսկվայում դեկտեմբերին 10-ին՝ ԱԳ փոխնախարարների մակարդակով։ Այս մասին հայտնում է «Անադոլու» գործակալությունը՝ վկայակոչելով Թուրքիայի ԱԳՆ տարածած հաղորդագրությունը։
Նշվում է, որ նիստին մասնակցելու են Հայաստանի, Ռուսաստանի, Իրանի, Թուրքիայի և Ադրբեջանի փոխարտգործնախարարները։ Թուրքիան հանդիպմանը ներկայացնելու է ԱԳ փոխնախարար Սեդաթ Օնալի գլխավորած պատվիրակությունը։
Հիշեցնենք՝ նախօրեին ՀՀ վարչապետ Նիկոլ Փաշինյանը հայտարարել էր, որ Հայաստանը կմասնակցի «3+3» ձևաչափին, բայց միայն այն պայմանով, որ այնտեղ չեն քննարկվելու այնպիսի հարցեր, որոնք արդեն իսկ քննարկվում են այլ հարթակներում։
Էմմա Չոբանյան
